شعر شعبي عن الأمام الكاظم ، للدين ناذرها النفس
أسنين وانته بالحبس
عينك ولا شافت شمس
لا زاد همك لا لبس
للدين ناذرها النفس
صايم أبفرض أومستحب
أتصلي ما تعرف تعب
أخلاقك أتندي أدب
سجانك أتعلم درس
يا سابع أنوار الهده
يالصبرك أيغيض العده
من النوايا الملحده
عالجسر ليش أموسده
جثه أو يمنعوها الدفن
يالتستحق هذا الحزن
مو كافي تعذيب السجن
هارون شنهو مكصده
يا صابر أبمعنه الصبر
بغداد تحضنلك قبر
ليليله بي ليلة قدر
والزايره أيحصل أجر
هارون وينه أو سلطته
قصره أو نفوذه أو دولته
صارن أخباره أو شهرته
لليوم مادون الصفر
يا بو الرضا يا سيدي
بنوار هديك تهتدي
شيعه أو تقدملك ودي
يا ويله كيد المعتدي
الحارب المولى علي
بحقاد شره ينصلي
دافع عشكنه الأزلي
حبنه الجنابك سرمدي
يبن الزجيه فاطمه
أنس أو ملائكة السمه
تحيي مصابك حالمه
باجر تنال الغانمه
عدها ذنوب أبلا عدد
يا حاضر أبكل الشدد
يوم الحشر منك مدد
ونته التصفي القائمه
الجمعه مو بس موعدك
موعد المهدي أبمرقدك
الثارك أو ثارات الفدك
الباري الله مهدك
باجر أبن عقد الوله
يطلب الثار الكربله
والمال بيده أيعدله
ويقيم مأتم مربدك
اسماعيل الجوراني
رد مع اقتباس
