السلام عليكم ورحمة ألله وبركاته ، شلونكم اخواني وخواتي أعضاء المنتدى ، رغم حالتي النفسية اللي جوة الصفر ومعنوياتي الهابطة لدرجة لا تصدق بسبب الظرف اللي امر بيه بهاي الفترة والكآبة اللي مسيطرة علية بس حبيت أسأل سؤال موجه لاعضاء المنتدى ، لمن تنامون على هم وكرب وهم جبير وخاصة الهموم اللي تستنزف طاقة صاحبهة ولمن يكون الانسان ما إله دخل بيهة ويكون هم وكرب سببه قذر ممتليء بالقذارة ويريد يرمي بقذارته ع الناس الطيبة الطاهرة العفيفة بحيث يصير مثل الحريق الداخلي ومشاعر سلبية مختلطة من غضب ورغبة بالانتقام وكره وحقد وتعب وضغط نفسي كلها ممزوجة ، وبالقوة يلا تنامون وبعد متنامون هماتين تجيكم رؤيا من ألله ونور ودنيا كلها اضواء وانوار ونقاء واجواء تبعث على الراحة والسكينة والطمأنينة وبعدها تظهرلكم عبارة (الرحمن ) مثل ما ظهرتلي البارحة او اي عبارة او كلمة دينية ممكن ألله يبعثها بالمنام لتهدئة النفس المتعبة ولمن تكعدون تلاكون أذان الفجر بدأ ، هماتين مارين بهيج حالة وشنو شعوركم؟ اني اطمأنيت وادركت انه عدل ربنا فوق الكل وميترك بشر محتار او مظلوم إلا وينصره كفى به وكيلا ، وطبعا مراح اترك حقي يضيع الا وآخذه لو لآخر نفس وعن طريق القوة واستخدام اقسى انواع التعذيب حتى ينشفي غليلي وهاي اذا انشفى غليلي لأن اني مو بسهولة أنسى الاذية اصلا ما أنسى ،، عموما سؤالي هو مريتو بهيج حالة من الرؤيا الصالحة ؟ ممكن مشاركاتكم وآسفة ع الإطالة
رد مع اقتباس
المشاركة الأصلية كتبت بواسطة انتقامي قادم
