لـيـش يـبــنـي عـالـجــسـر وحــدك غـريــب ، شعر عن الامام الكاظم
لـيـش يـبــنـي عـالـجــسـر وحــدك غـريــب
لـيـش يـبــنـي بـحـالـك احــتـار الـطـبــيـب
عالـجـسر ﮔـالوا جـنـازه بذلـه شـيعوهـه اربعـه
ناس حظرت يوم جمعه واسمع الـنـاعي نـعـه
ﮔـلـت خل احظر واشوفـه مرد ﮔـلـبي وصدعه
عايـنـت لـنـهه جـنازة بالـســــواد امـﮔــبــعــه
بـلا ﮔــرابــه ولا هــلـــــه يـحـضـرونـــه
بـلا ﮔــرابــه ظـل يــديـــر اعــيــــونـــه
ساعة الـصديت عـينـي لن شفت وجه الـسمه
مـﭽـتف بـﮔـيد وسلاسل والـجدم يـﮔـطر دمـه
مزورﮔـه الجثــه يويلـي وبالــغـدر مـتـسـمـمـه
نـاح دلالـي وعرفته وصاح يَـمّـي فــاطــمـــه
ناح ﮔــلــبـي ودمـعــي ظـل يـتـجـاره
ناح ﮔــلــبـي وصرت بـيــه مــحـتـاره
هالـغريب ابلا ﮔـرابـه ولاعشـيره ولا أهــــــل
ويـنـهـم خل يـعـتــنـولـه عنـه مـاواحـد سـأل
صحت هذا ابني يشيعه وهذا ابن خير الـعمل
خمسطعش عام اعله سجنه وتالي بحضان الاجل
يـالـتـنـاشـــد هـذا مـوسـى اولــيـدي
يـالـتـنـاشـــد جـيت اغـسـله ابـأيـدي
من حظرته وعايـنـيتـه بحالـه ﭽـن يشكـيلـي
دمـعه بـعيونـه شـفـتـهه الـﭽـبده ظل يوميلي
يُـمه يالزهـره يــﮔــلـي شـيلـتـﭻ فـرشــيـلـــي
وابـدعاء الـفـرج ردتـﭻ يـّم حــسن تـدعـيـلـي
من حضـنـتـه مــرت ابــالــي صــــور
من حضـنـتـه خدي بالدمـعـه انحـفـر
دمعـته ﭽـن سولفـتلي محنـته وظيم السجن
مادره بلــيله ونـهـاره ظـلـمـه واجروحه تــون
مـﮔـيد بـﮔـيد المـنـايه وحفرت ادموعه الوجن
لـلـفرج يحـسب لـيالي ومحد الـحاله يـحـــن
جـيت اشـيعك ﮔــتـله والـمدمع يصـب
جـيت اشـيعك امـشي واعثر بـالـدرب
جيت لـرض الكاظمـية ولازمه بچـفي الـضلع
حتى اضمدلك جروحك وانعه حالك بالدمــع
وحتى اواريك ابتربتك واعلگ اضلوعي شمع
ومجلس الروحك اقيمه وانـعه وانته تستـمع
يـبن جـعــفر امـودع الله بــتربــتـك
يـبن جـعــفر تـهـنه يـبـنـي بـنـومـتك
ميرزا عـلــي
رد مع اقتباس