يا رسول الله أو وصيه المرتضه
موسى أبن جعفر أمام الرافضه
اليوم بسجون الرده نحبه كضه
أو باكيه الشيعه عليه أو لاطمه
....................
باكيه الشيعه عله المات أبغدر
تلطم أعله الهام نوبه عالصدر
اوريته للجمعه فلا بين فجر
أو لا أبن جعفر منيته أمحتمه
..................
لا أبن جعفر عله أمتون الغرب
أجنازه أله تنشال هالموقف صعب
حيل والأزيد بعد هذا الخطب
عالجسر مطروح قيد أبمعصمه
.................
عالجسر عالجسر مطروح بالحر ينصلي
والجسر من الحرس مملي ملي
يا أبو القاسم يبو اليمه علي
أكلوب شيعتكم أحزان أمغيمه
................
أكلوب شيعتكم حزينه أبهل البله
أو عاودتها آهات عملة كربله
يوم أبو السجاد جثه أمرمله
أبذاري التربان من بعد الضمه
.................
أبذاري التربان من ظلم الظلم
بيد أميه أنجان عباسي الحكم
كلهم البيت النبي صارو خصم
الحارب آل البيت فاله الحاطمه
.................
الحارب آل البيت يبشر بالجحيم
جي لئنه أغواه شيطانه الرجيم
أوموسى أبن جعفر طبيب الكل سقيم
البيه عله أطيب لو متفاقمه
...................
البيه عله والكصد باب المراد
حاجته أيحضرها في يوم الحداد
أسد بغداد الأبي موسى الجواد
كلمن أتعناه نال الغانمه







الشاعر : أسماعيل الجوراني