هنا

[فقار الكرخي]

الوداعُ سيدي حانت وفاتك
بسجن اظلم خلصت كلها حياتك
گوم واتوضه يمولاي الصلاتك
ولا تلمها خلها مفروشه عباتك

لا تصير ابترابه طيحتك
هسه سمك يگطع چبدتك
…………………………..
تهيئ الها گربت حيل المنيه
وانته وحدك سجنك اظلم هالمسيه
تلالت بعينك اظن دمعه جريه
چنك انته تذكرتها الغاضريه

بعينك انته يمولاي شتشوف
يجوز جثه وتوذرت بالسيوف
………………………………
هاي لحظاتك يمولاي الاخيره
بس اظن ابگلبك الحسره چبيره
شوتعاين حيل عينك عالحصيره
تذكرت يمكن خرابه وبيها اسيره

تصفگ الأيد وحسرتك اه يشام
بالخرابه الاميره بنص ظلام
………………………………
وهسه چبدك تفاعل بيه سمه
والچبد من حلگك انته يجري دمه
ويه كل شوغت الم تصرخ يعمه
بنص غرب ركضچ يعمه والله زحمه

بچبدك السم شعل مولاي نار
وتبچي عالركضت بنص النهار
………………………………
عالحصيره اتلوچ وادموعك تصبها
أه ياعمتي الغريبه وياغربها
شلون تمشي ابليل مچتوفه بدربها
والشمر يمشي وراها اشگد ضربها

تلفض ابچبدك انته وتنوح
اه يزينب ولا تحس ابجروح
………………………………
اربع احماميل اجت هاي التشيلك
وانته تصرخ جدي يالضامي دخيلك
شسوه بختك آياجدي رحيلك
يعينك الله شگد حمل ياجد دليلك

تشوفك اشلون وتوسد انته گاع
وهي عالناگه وتگلك الوداع







عقيل كاظم الحسناوي..

[صقر عراقي]

سلام الله على سيدنا الامام الكاظم عليه السلام
وشكرا لك الشاعر المبدع فقار

[فقار الكرخي]

هاي شذكرك بيها


نورت