قصيدة:كلشي اختلف
استشهاد السيدة زينب(ع)
كلشي اختلف والقصه طويله
مو انه العليل انتي العليله
-----------------------
حالج عمه صاير اسوء الحال
المر عليج لا متحمله الجبال
من كثر المصايب صايره خيال
حرمه تكفلت كل هم العيال
يعينج ربي ياعمتي العقيله
------------------------
ياعمتي المرض مو شرط من داء
لو داء الي صابج جا اله ادواء
ولا انتي التعبتي بشحة الماء
ولا موتت اولادج عمه الا لا
ولا من الكيود الي ثكيله
-------------------------
عمه المرض يأتي بكثر الاسباب
وانتي طحتي من افراك الحباب
ذبلتي بيوم شفتيهم عل اتراب
يعمه يعينج الله بهذا المصاب
هاي الحادثه لا مو قليله
------------------------
زاد المرض عمه بحرك الخيام
وانتي مو وحيده وياج ايتام
تعب ويتام شيمشيچ للشام
حسين احزام ضهرچ طاح الحزام
مشيچ بل يسر بصعب وسيله
-------------------------
مرض وسياط عمه ونضرة الناس
وفوك الكاع طاح الكمر عباس
حسين عله الترب بل خيل ينداس
وانتي بيا وكت حاطتچ حراس
هذا الي حصل بسواد ليله
-----------------------
هذا الي حچيته وبعد اكثر
مر عليج عمه وعلى الخدر
هذا الضيم لو صاب الجبل طر
تعب وياه عطش والفره بل بر
كله وياج صار بلا بديله
--------------------------
الشاعر باقر_الشغانبي
رد مع اقتباس
