الما عنده کرامه اشماله یشتَم ریح
غریبه الناس ماگلتولي اشبیهم
اشو متغیره صارت کل معانیهم
اتشکک بالیقین، اتیقّن المشکوک
اشو صاعد الناصي و نزل عالیهم
تاهت عدها علّه و دایخ المعلول
مــا عرفو الچذَّب و الصِدَگ لیهم
سحگــو بــالرمل مــا میّزو ینهـــال
و الحــایط المـبنـيّ یـنـهدم بـیـهم
شو طلعو حدیثه مفرعه یم الباب
بـس عـــایل یمـُــر یـخـــرم تــراچیهم
چبیــر زغیـر کلهـم صـابهـم نسیـان
بس شافو الحاضر نسو ماضیهم
من صار الصبح بدّلو طاري اللیل
و ابحضنه الظلام الستر عاریهم؟
من هب الشمال انکرو شرجي الریح
من خلّص رطبهم نسو شرجیهم
من سنهم تکسّر درو حالي الزاد
مـــا یــنـفــع بعــد و المُـــر یـداویهـُم
عمــر یدلـون مــاي ابسلّه مـن البیر
رجعت راویه و ما رُوَت ضامیهم
یحلفون ابگبر ماباچي یمّه انسان
و لا طیـر النگـر یمـــّه ابصوانیهم
سعرهم چان غالي شبیهم ایرخصون
ترا ابهل حاله یاهو الچان یشریهم
الما عنده کرامه اشماله یشتَم ریح
و اهـل الــذل تمـنــّو مــوت یلفـیهـم
الماشي بـ شور غیره اشعلّمه علیٰ الشور
و الگــالــولــه فکــّر قسـم یـمـحیـهـم
هیّه مخربصه وتاهت الحسبه منین
و الـمغــزل تـنـــاگـل بیـن ایـادیهـم
مــا تـوجـد طـریقـه التنـهي الأوهـام
مــا دام المــزح بــالـحـــال یلـهیهـم
فرید الزهیري
رد مع اقتباس
