صدگ شلنه زعل بس حقد ماشلنه
شما يزعل الماي اجروفه ال اتحضنه
بعدهي ادموعنه ايطيحن امن ايطيحون
وهمه اعرف بعد وادره بمحنتنه
جرح الغالي غالي انضمه بس ينشاف
ابطن اعيونه والسكته تاخذنه
وعليهم عمت عيني اهواي ينجرحونه
اشگد بعيونهم وادم ادورنه
احنه اگلوب نوگ انموت من نشتاگ
الشكر بس للدمع هو المصبرنه
گبل جنه اگبر من الموت عالانسان
وهسا اثنينه ضلينه نتمنه
مانتلاگه لن نتعاگب امدنگين
وهايه ماتصير ولا تلوگنه
صح اجفوفنه من الشيل محرومات
بس بعيونه ياما تشابگنه
تره حتى الهوا مرات هم يختاض
وحتى العافيه مرات تتركنه
چاگلولي احنه اشمالنه ولا وين
اشو يمنه النهر والعطش كاتلنه
ترى مو عيب اليمد جف ايده لو غلطان
بس عيب التحب ايده ولا يرضا
ومو عيب اليطيح حگه لو دم شيخ
اذا بي رضا لله ويكتل الفتنه
بسكم تره السبحه الناگصه تنعاب
الگمر من يكتمل ماينشبع منه
ازعلنه وماني مصدگ…… مايتزاعل ماي او ماي
ابن الديوانيه الشمري
رد مع اقتباس
المشاركة الأصلية كتبت بواسطة sawsanmahmoud
