هنا

[♡Mais Aljanaby]

ههههههههههههههه ياعزااا بعينج
لج اثنينهن ذكر القطه بس هي اختلاف تسميات
اهل الجنوب يصيحوله عتوي
وباقي المحافظات هر

هههههههه ما اعرف والله
سكتي يارب محد يشوف الجواب

[♡Mais Aljanaby]

اهلاً بالضيف ،،وبيچ اكثر

خلال الصفحات ، شفت انو تتمنين لو اسمج (مي) .. تعرفين شنو معناه ؟اي معناه الغزاله الصغيره بدووون گوگل او معناها الرقه واللطافه
*ملاحظه* لا استعينين بگوگل بمعرفه المعنى من تجاوبين ،،


مَيس .. ليش ما عاجبتج المعيشه ببغداد ؟ بس لانو ذكرياتج بالانبار ؟لا مو معاجبتني بالعكس بغداد كلش حلوووه بس اكو اسباب تخليني ما احبها ⁦^_^⁩
زين بكل صدق جاوبي بعيداً عن حبج لمحافظتج ،، منو احلى بغداد لو الانبار؟بغداد



بما انو انت من محافظه غير بغداد ،، تحسين اكو فرق بين بغداد والمحافظات (او محافظتج) -الفرق بالناس- من كل النواحي ، الثقافه ، الاخلاق، التصرفات ، العادات ، التقاليد ، الطبائع ، اللبس ، اللهجه ..الخ .. سولفي النا
باعي اني من جنت ساكنه ببالانبار چانت اغلب العوائل ديانه فووول ناسهم طيبه وعلاقة الجوارين ببعض حلوووه كلش عادات لطيفه وخاصة برمضان تكون كلش حلوه تقاليد مو كلش يلتزمون بيها اللبس ملتزمين كلش واللهجهاكو الدليم الي مينفهم كلامهم بالنسبه للبغدادين وحتى احنا منفهمه بس احنا مو دليم فلهجتنا بغداديه


ليش اجيتوا بغداد ؟ وليش ما ترجعون للانبار ؟

اجينا لبغداد بسبب الظروف الي صارت بيها ومنرجعلها لان كليات اخواتي هنا
منو ديدي اللي المل ديحجي عليها؟بنيه دخلتالدرر بشهر ١ ٢٠١٩ بس الكل حبها لان اجتماعيه
بما انو اني من فتره طويله مداخله ف ما شايفتها اساسا ولا شايفتج ، ف احجي لي شنو سبب سؤال الاعضاء الج عنهاا هواي؟ لان چانت صديقتي المقربه.. كإنو صديقتج المقربه؟ ،، شنو سبب غيابها؟ البعض يكولون انها توفت لان چانت مريضه وبعد ما اعرف اي شي المقربه ليش ما عندج وسيله تواصل وياها غير المنتدى ؟چانت عندي بس اختفت هيه

شنو رأيج بالمنتدى ك عالم؟
احباب
تحسيه مشابه للحقيقه ؟كلش لا
وشخصيات الاعضاء حقيقيه ؟
لا

اتمنى ما اثقلت عليج :)

..

عادي حبي نورتيني وبأي وقت تعالي

[^-^بطيخة^-^]

ما تحسين اكو تناقض
ب إنو تگولين المنتدى تحسيه كلش مشابه للحقيقه وشخصيات الاعضاء لا ؟

هو مكون المنتدى هم الاعضاء ف شلون تحسيه كلش حقيقي اذا شخصياتهم مو حقيقيه ؟؟


زين تمام ، اوصفي النا شلون مو حقيقيه ، يعني سولفي الاشياء اللي تشوفينها مو حقيقيه


تحبين تتناقشين وتتبادلين وجهات النظر ويا غيرج؟


..

[♡Mais Aljanaby]

ما تحسين اكو تناقض
ب إنو تگولين المنتدى تحسيه كلش مشابه للحقيقه وشخصيات الاعضاء لا ؟

هو مكون المنتدى هم الاعضاء ف شلون تحسيه كلش حقيقي اذا شخصياتهم مو حقيقيه ؟؟
غلطت طبعا بالاول وچان قصدي كلش لا بس ناسيه لا

زين تمام ، اوصفي النا شلون مو حقيقيه ، يعني سولفي الاشياء اللي تشوفينها مو حقيقيه
اني وحده من الناس معلوماتي اليعرفوها الاعضاء مرات تكون مو حقيقيه فأكيد غيري هم هيج

تحبين تتناقشين وتتبادلين وجهات النظر ويا غيرج؟
لا ما احب هالشي

..

شكرا حبيبتي على الاسئله

[♡Mais Aljanaby]

ههههههههههههههه ياعزااا بعينج
لج اثنينهن ذكر القطه بس هي اختلاف تسميات
اهل الجنوب يصيحوله عتوي
وباقي المحافظات هر

شايفين واحد لما يألف كلمه على مواقع التواصل الاجتماعي ويطش وراها هيچ صار بيه اليوم

[^-^بطيخة^-^]

الانبار مثل المحافظات الشماليه بإنو البنت تلبس وتطلع براحتها تنشر صورها .. الخ
لو مجتمع عشائري جداً ..


لانو سامعه من اشخاص انو هم فري وسامعه عشائري جداً اكثر من الجنوب واعنف بسالفه العشائر .. تكدرين توضحين منو اصح ؟

انت سافره لو محجبه ؟

قبل فتره انتشرت صوره لبنت تلبس عباءه بحفله التخرج بنصف الطالبات ،،
تعليقج ؟


برأيج اللي تلبس عبايه يحق الها تطلع وين ما تريد وتسوي اللي يعجبها ؟ وتصور ويا القسم وتطلع سفرات وعزايم وياهم لو بس للبنات العاديات والسافرات ؟


احجي النا ع الحريه من وجهه نظرج ،،


..

[♡Mais Aljanaby]

الانبار مثل المحافظات الشماليه بإنو البنت تلبس وتطلع براحتها تنشر صورها .. الخ
لو مجتمع عشائري جداً ..

لا اكيد مو مجتمع عشائري مثل الجنوب لما يصير مشاكل بين العشائر وهيچ اشياء ويهتمون للعشائر بس ينتقدوون الي تلبس قصير وضيق وهيچ اشياء
لانو سامعه من اشخاص انو هم فري وسامعه عشائري جداً اكثر من الجنوب واعنف بسالفه العشائر .. تكدرين توضحين منو اصح ؟
لا بالعكس يهتموووم بالعشائر وفري بنفس الوقت يعني وسط لا هم عنيفين بيناتنم ولا هم فري
انت سافره لو محجبه ؟
محجبه والحمد لله
قبل فتره انتشرت صوره لبنت تلبس عباءه بحفله التخرج بنصف الطالبات ،،
تعليقج ؟
مثل ما السافره الها حق تلبس وتطلع شعرها وتخرب الصوره الي تلبس عبائه هم الها حق

برأيج اللي تلبس عبايه يحق الها تطلع وين ما تريد وتسوي اللي يعجبها ؟ وتصور ويا القسم وتطلع سفرات وعزايم وياهم لو بس للبنات العاديات والسافرات ؟
لا ليش هي بنت حالها حال بقية البنات والها الحق كلشي تسوي

احجي النا ع الحريه من وجهه نظرج ،،
الحريه انو تلبسين وتحچين الي ترديه بس بدووون متتعدين على الاخرين

..

حلوووه اسئلتچ

[^-^بطيخة^-^]

تگولين انو الحريه انو احجي والبس اللي اويده بلا ما اتعدى ع الاخرين مو ؟
تعتبرين هاي الحريه الحقيقيه؟؟

اذا ما يحق النا ننعت العاهرة ب العاهره والفاسق ب الفاسق لانو بالنهايه هم ما متعدين ع غيرهم بلبسهم وتصرفهم وكلامهم ؟ ومعناها احنا ظالمينهم بهالتسميات واللي يكفر بالله ويتجاوز ع مقدسات الاخرين من اي طائفه هم حر لانو مدا يتعدى ع الاخرين دا يتعدى ع قدسيه الاله والمقدسات الثانيه مو علينا ؟؟

هيج الحريه يعني ؟؟
لو برأيج حتى الحريه الها حدود ؟


شنو رأيج بالبنات اللي يگعدون ب كوفيات ينرگلون
وشنو رأيج بالاولاد اللي هم يكعدون كوفيات وينرگلون

وشنو رأيج بتدخين الجكاره الشابات والشباب ؟

وتحكمين ع اخلاق احد من تدخينه ؟ سواء جكاره او نركيله وسواء بنت او ولد


+ انت الحلوا من ذوقك هذا ورده


..

[Elegant]

شنو طموحج الدراسي ؟
وشنو موهبتج او هوايه اتحبيه؟
وشنو اللون اللي اتحبي ويجذب نظرج..
وشنو اكثر صفه اتحبيه واكثر صفه اتكرهييه؟
وشنو اكثر شي متحبي بشخصيتج وتحاولين اتغيري؟
وشكرااا


ومنورة كرسي الاعتراف..

[♡Mais Aljanaby]

تگولين انو الحريه انو احجي والبس اللي اويده بلا ما اتعدى ع الاخرين مو ؟
تعتبرين هاي الحريه الحقيقيه؟؟
اكيد

اذا ما يحق النا ننعت العاهرة ب العاهره والفاسق ب الفاسق لانو بالنهايه هم ما متعدين ع غيرهم بلبسهم وتصرفهم وكلامهم ؟ ومعناها احنا ظالمينهم بهالتسميات واللي يكفر بالله ويتجاوز ع مقدسات الاخرين من اي طائفه هم حر لانو مدا يتعدى ع الاخرين دا يتعدى ع قدسيه الاله والمقدسات الثانيه مو علينا ؟؟لا ديتجاوزون على مقدسات الاخرين يعني هاي مو حريه هاي تعدي

هيج الحريه يعني ؟؟
لو برأيج حتى الحريه الها حدود ؟
لا اكيد كلشي اله احد واتوقع انو الانسان حر بتصرفاتبتصرفاته بدووون ما احد يحكم عليه بشي مدام ممضايق احد

شنو رأيج بالبنات اللي يگعدون ب كوفيات ينرگلون
وشنو رأيج بالاولاد اللي هم يكعدون كوفيات وينرگلون
نو كومنت
وشنو رأيج بتدخين الجكاره الشابات والشباب ؟
مو شرط كل شخص يشرب جگاره مو خوش رجال لا بالعكس اكو بيهم يدخنونها وهم اخلاق ورجوله واكو العكس
وتحكمين ع اخلاق احد من تدخينه ؟ سواء جكاره او نركيله وسواء بنت او ولد
ابد

+ انت الحلوا من ذوقك هذا ورده


..

تره بعدني ١٥ تسأليني اسئله اكبر من عمري⁦^_^⁩