دخلت على الشام....حرمة امخدره
تشبه لهب نار...يوم الآخره
طبت على يزيد فارس مبتسم
ساعتها ياناس ماظلت زلم
الما لاگه مشراد يلبد بلهدم
صاروا شياطين رجمتهم رجم
ماظلت أزلام...گـدام المره
_______________________________
صاحت على الناس ماريدن نفس
خيرهم الچان يتكلم خرس
صاحت انه الموت بعروگي أنترس
هذا انـي عباس بس ابلا فرس
راح أعبر الموت...مثل الگنطره
_______________________________
صاحت على ايزيد بالك تحتفل
چنك ترهيت وانه اعله الهزل
ما مات الحسين گدامك عدل
صح أحنه مو توم بس نفس الشكل
زينب بالحسين...تتشابه تره
_______________________________
خطبت والوجوه كلها امصوفره
ماتسمع أنفاس چنهم مگبره
عرف العرب راح يتغير تره
ماتحچي الأزلام من تحچي المره
نادت على الجيش...انا الآمره
_______________________________
راح انـصب أحكام وأعراف وقيم
واحكم بالاعدام عالضارب سهم
إلا احرگ گلوب ثـأراً للخيم
صح العلم طاح بس زينب علم
إلا اقلع الباب...هوه وخيبره
_______________________________
كل عقلك النور رايد يندثر
ماتوصل أخبار عن ام الخدر
گالتله والله لن تمحو الذكر
شيعة ابو حسين باچر تنتصر
والمنصب إيصبر....بس لحيدره
_______________________________
الشاعر - أمان المرشدي
رد مع اقتباس
