هنا

[ღ عِشق ღ]

فوگ الگبر اوصيك...تكتب يدفان
العدها ست أخوان...ماتت بلا أخوان


لتگلي وگت الموت وين الاهل وين
وانه بظهر عاشور كل اهلي ميتين
بآخر نفس ناديت مشتاگه لحسين

تمنيته قبل الموت...يقرالي قرآن
____________________________

عگب الخدر والزود وازتني الأبام
من بيت ابو الحسنين جابتني لشام
مر اعله فگد حسين عام ونصف عام

مر أصبح ابفرگاه...كلشي حلو چان
____________________________

بالطف متت ياريت وي ذيچ الأجساد
والعيشه عگب حسين والله متنراد
گلت اصبر بدنياي بس صبري مافاد

من ما گتلني السيف...گتلتني الاحزان
____________________________

بچف الگمر ظنيت تابوتي ينشال
تاليها وگت الموت ماعندي رجال
من غمضت عيناي محد حچه وگال

بين أربع احياطين...وكت الأجل حان
____________________________

تذكر گبل ماموت يـولادي ناديت
يمحمد وياعون ياكشخة البيت
التفگد ولدها اتعيش نص عدله نص ميت

ظنـي بإيديكم چان...تفصال الاچفان
____________________________

بوصيتي يادفان لاتغلط ابهاي
ماريـد گطرة ماي توگع على شفاي
خليني مثل حسين ماشاربه الماي

خليني أحس بحسين...علشاطي عطشان
____________________________

من الحزن مليت وادموعي تنشاف
بگلبي ظـهر عاشور ديرة حزن عاف
ليهسه طبـع السوط باقي على الاچتاف

من الخيم مازال...بانفاسي دخان
____________________________


الشاعر - كرار حيدر الخفاجي

[نصرالدين البلداوي]

كلمات جميلة
شكرا للطرح