ألوم الماي ؟..... العبارة
العبّـٰارة
ألوم . . . الماي . . ؟
اخاف اعطش واريد الماي
ألوم . . . الهوه . . ؟
اخاف أغرگ واريد ( هواي)
ألوم عيون شافتكم
بعد بيها نظر ؟!!
و تشوف !
ألوم الدمع چي بي ماي
ألوم الماحسبكم چم عدد موتى
حتى المغتسل يحسب توابيته
يدري اچم ابو ، (بعبره) نهجم بيته ؟
تلوم الماي !؟
ما ينلام ،
لوم الماعرف ميته
موت الماي يحلى اوكات
يكبّر عيون تضحيته
والمخلص حياته اضعيف من جوع الوطن
بالموت ، نعمه تردله عافيته
هدومك شگگاها الماي ، كتلك حافظ اعليها
بويه هدومي سبع الوان ، لوُنت النهر بيها
ما كتلي گبل لا نصعد العباره عطشان
وشربت الماي كله ونگصت دجله
بعدك ما تعرف الماي
تصيد المطره بالسّلّه
نوبات الحياتك بي
نفسه لموتك يدليك
لو ما جنت تندله
النار اتدفي بس تحرگ
الماي يروّي ، ويغرگ
ألوم الوطن
مني شكد شرب وادم ، ولا يشرگ
بيك شكد صحاري ،شبيك ما تعرگ
يالكونك قصيده وبيدي تتشگگ
رضا الكعبي
رد مع اقتباس
المشاركة الأصلية كتبت بواسطة فقار الكرخي
