رفعة العلم
هلو درريون
مناسبه هذا الملل خي احجيلكم عن هذا الموقف ولو طويل شوي تدرون بمغامراتي بالمدرسه
هاي قبل سنتين اجا قرار لازم الطلاب الملتزمين
بالنظام يصيرون مراقبين بممرات المدرسه يسجلون اسماء الطلاب المخالفين
فاجتي المدرسه تختار من كل شعبه، ،اختارتني اني و7 طالبات
طبعا اني رفضت لان اني نفسي مالتزم بقوانين عاد امشيها ع الناس بس هم مدري ليش يشوفونيني نظاميه يمكن لان مقشمرتهن باسلوبي
المهم ،،طبعولنا باجات بيها اسامينا وكذا وعود صرنا هيبه وكلها تخاف من عدناوبيدينا سجل ونحاسب يعني صرنا دوله بين قوسين
جانت المديره بكل خميس تطلع الطالبات المخالفات برفعه العلم ورزاله زينه
جنت بكل يوم اراقب بي اشوف كم مره متكرر اسمي بالمخالفات فجنت ادري هاي امخالفات المكتوبه عليه بنات يكرهني ويسحلن اسمي فاحذف اسمي من القائمه واسماء جماعتي الي ادري بيهن مامخالفات طبعا جنت اطبق القوانين بحذافيرها بوكتها
وفديوم لابسه الباج وكذا وذيج الاناقه جان يوم خميس وجان ما اسمع الا اسمي براس القائمهاني وجماعتي كلهن
طلعت ووياي صديقاتي وبنات عمي وشكو بنيه راجعتلي
وهن سوونا نشخبط ع الحياطين ونخالف باللبس وصوتنا عالي وحتى الحاويات احنا كسرناهن
الحلو بالموضوع اجتي وحده من كرايبي تكلي اني شمسويه كتلها ع اساس اني السويت
ضليت اسمع للرزاله واضحك بعدين شفت السالفه زادت عن حدها
خلصت رفعه العلم وجان اروح اول وحده للشعبه وركعت الباب حيل وراي المديره دتمشي
انتظرتها وصلت لغرفتها وجان اروح كابه بيه نار كتلها صباح الخير
كالت صباح النور، ،ويمها المدرسه المسؤوله عنا
كتلها هذا الباج وبعد ماريده مابقيتولنا احترام
جان تكول لعد انتي الركعتي الباب،،كتلها اي اني زينب بنفسي ركعتها ،،طبعا اني من اعصب بعد ماعرف منو كدامي
هن يسون لايمعوده زينب احنا ندري بيج وندري هاي خباثه بنات وبس ولاتعصبين واحنا ترجعلج هبيتج
اني كتلهن اذا تعرفني صدك واني صارلي 4سنين بهاي المدرسه تشيلون المراقبه
طبعا ماقبلوكتلهم وعد هاي السالفه ع ايدي الغيها
كرايبي مشرفين 2 بالتربيه
ورا يومين جبتلها كتاب استثناء لمدرستنا من هذا القرار
غير قامت القيامه بالاداره هذا يوم وذاك اليوم والمدرسات من اكللهن ع شغله هن من ذاتهن يسونها
واعتذر للاطاله
رد مع اقتباس
المشاركة الأصلية كتبت بواسطة Scrap
