هنا

[فقار الكرخي]

وانت اكثر الوادم ( عِرف )
تعرفني ابن ذيج الأمس سألتني عنك وانخطف
لوني .. وخذتني الخيبه ..
گلتلهه يمه المو زلم ..
حطّو على ضلوعي خشب بسماره لاح ( الطِيبه )!!
إي هُمّه هزّو گصّتي ..وعرگت ! ورادوني انحني.. بس انتچيت اعله الـ( أفه !)..
وآنه خشم سمره .. ازلمه .. بالغربه وانگط هيبه ..

شتموني بس عندي ..( جذر ) ..
( جذر ) ..
بي وگفه و خشونة كرك و عناد صبخه وياهلا ..
وخاف التهي وانسى الثگل .. بي راجدي من الشيبه ..

كلّ ذنّي جدحن .. بس گلت
الماصايره .. ماتنعتب ..
صح هيّه ( مُرّه ) و مو إلي ..
بس هوه دوم البي نقص يتهم الناس بعيبه ..
اي و انه بيّه من الفلح ..
مااركض بكيف الـ( لِسِن ) ..
الدنيا عركه ..
و( الحچي ) مايوجع الفوگ الفرس شايل سلاح ومگبره .. وعايف لسانه بجيبه ..








احمد عاشور

[Haidar Iraq]

گلتلهه يمه المو زلم ..
حطّوا على ضلوعي خشب ..
بسماره لاح ( الطِيبه )!!

حلو ..

[حہيہدر الہبغہداديہ]

دائماً لمساتك في القمة بها الابداع
والتميز الراقي تسحرعيون من يدخلها
فلقد استمتع ناظري هنا وعجزت
عن التعبير فماذا اقول لك غير سعد
بك صرح درر العراق و بابداعك
اراح الله قلبك و اسعدك

كان هنــــــــــــ حيدر البغدادي ـــــــــــــــأ