مره ضاكت بيه حيل
مره ضاكت بيه حيل
الدار وهلي والربع والعاشكين
واني جنت بعز شبابي
وتدري بلشاب الكصيره ارويحته
يركض ايدور تذاكر للسفر
لو ما لكه بنادم حنين
اوياثكل حزني بثكل جنطت سياسي الصدفه من تخلص دورته
اني والبيه ويشطان الشعر
متكاودين
انه وانه اترافكينه
المدري شنهي
والحزن
والمو حزن
والكلشي ماكو
والقصائد والونين
لملمتهن
كلت اروح هناك اقره
تختلف هلمره عن الكالو احنه مسافرين
سفره للبرزخ مشيت
بلا محطه
بلايه سجه
بلامتاع
بلايه كلشي
حتى جسمي
يبقى يم اهلي وسافر
الحلوه بلشاعر يعيش اخياله بره شما يضيكون السجن
واني سافرت بخيالي
بعتقادي الكلشي رب
والله رب الكل اكيد
وكاظم اسماعيل كاطع رب شعر
وذكر امي
بجيبي خلتلي دعاء
كالو اليقراه يموت
من قريته بنية الموته الجميله
طلّعت بيدي الدعاء
واني اضحك
جن اطلع صوغه لبني
مالجمني
مالجمني
مالجمني
من قريته استقوت اعضامي النحيله
اليله اموت اليله اخر ليله
الغيم مد ايده علراسي والمطر شد حيله
بعده ماكملته ملج الموت اجاني
كلي نام ..
كتله اخذني واني واكف
كلي نام
كتله اخذني واني واكف
من حجيت الدنيا وكفتلي سكوت
تريد انام وماجد كزار اليكول
احنه علمنه الشجر واكف يموت
وجلده كزبر وستحه
والمهم قررنه نمشي
وبلدرب صارت ميانه
وكال اجتك دعوه للبرزخ جبيره
مهرجان هناك عدنه
الله راعي المهرجان
والحضور الله وعظمته
كال سمعوني شعر شعبي عراقي
من وصلنه هناك اباوع
شو ملائكت السماء ملتمه كلها
او واحد ابنصهم يسولف
مو غريب
هذا واحد من كبل سامع كلامه
صاح واحد لاتسولف هاذه عريان الكبير
يشرح أبيات القيامه
هناك وتلكوني كلهم
ملكه يشبه ملكه اهل الناصريه
من يسير محسن الخياط الهم
وكامو ايسألون بيه
عل شعر وعلل قصائد
جاوبتهم
بكل شجاعه موفق محمد يهدد بلحكومه
وضل يصيح
مره بلشعبي والف مره بفصيح
سأزور الشهداء القديسين
وأراهم يفركون راحاتهم ندما فقد قتلوا
من اجل ان يتربع شعيط ومعيط على صدورنا بسياراتهم رباعية الدفع وادواتهم الذي ما انزل الله بها من سلطان
وبعده زعلان او يجسر الحله المطكطك
لان حطو صور حزبيه فوكه
هذا جيف براسه كعدها القضيه
بعده بل ايجار كاعد
وامضفر النواب لسه ايحاجي كلبه
(ادري بيك اتريد تبجي ابجي وحدك اني ساكت )
ومن يمر طاري الوطن يطفح حنينه
كل بشر يوصل محطه او يشبك اهله
واني اشوبح من شبابيج الفراكين الحزينه انطر احد مايجيني
(ذوله عدنه الهسه باقين بحزنهم )
الشاعر اليكتب قصيده وبيها نخبه
هذا مامرغوب هسه ومانكلبه
(اندور اليصعد منصه وبيده تفكه )
الشاعر ايبيع القضيه
بحجة استرزاق شعري
اوعبد الحسين السمعني كبالي كاعد
وهاجت بكلبه المشاعر
نزلن ادموعه وقرالي ابيات نصاري او يكول
كبل لتصير شاعر صير انسان
حتى انكول هذا انسان شاعر
من بدينه الدنيا مكلوبه شفتها
ذائقه اتخوف
تعرف ال الله يمته
او يمهم النقاد كلهم
كلشي شفته و البشر ماتنحسب
شغله وحده الماشفتها
ماشفت خالات عد شاعر يصفكله جذب
واكف كبال المنصه وكام علاوي رشم
قدمه بأسمه العريف
شاعر بكل المعاني
بيه واهس كافر وربك هداني
اليل شبعني سفر واني بمكاني
اوبعده جعفر صعدوه
يقره نص كلش جبير
خمسة اطفال فقراء
في غرفة واحده
اشتد جوعهم في منتصف اليل
لا يمتلكون سوى القران
طبخوا سوره البقره بأكملها
الاخ الاكبر خمسون ايه والبسمله
اخوته كذالك لاكن من دون البسمله
لم يبقى سوى ست وثلاثين ايه
اختزنوها
وفي الصباح اعطوها لمتسولأ لايؤمن بلله وسد جوعه
او صعدو فراشة البرزخ منصه
وكفت العالم تصيح
هاي وجدان النقيب
وكام حلفها رحيم المالكي يطلب قصيده
والقسم بشلون تجري ومايك ازرك يافرات
وراد بلتجليبه يسمع
احلفج لاترديني
اشتهيت اليله سمعيني
شنو ذنبي وحرمني الضيم عشريني
صعدت الاسماء كلها
اوصعّدو مسك الختام
و ماحجه ابسمه العريف
و العريف ادم ابونه
كال شاعر يختصر ضيم العراق ابيت واحد
واستحه ايذكره العريف
لاكن الذواقه صاحو بيت وبوزن السريع
بصوت عالي
ادم عراقي طلع وحنه الاكلنه تبن من طكله تفاحه
ياعطا اقراها القصيده اعناد بادم
علي اسد
رد مع اقتباس