السلامُ على فخر المُخدرات
السلامُ على فخر المُخدرات
_____________________
ياسلام الله عليها...زينب اخت الوالي
نزلت راس الشمر....بس راسها ظل عالي
زينب من أذكر أسمها...علي ايصير اگـبالي
غيرة العباس أحسها...اشما تمر ابالي
السلامُ على من أعيت الثبات
السلامُ على فخر المُخدرات
_____________________
هاي بنت الصلى لله...والتصدق خاتم
دنيا عالم والعقيلة...لكل حسيني عالم
الگـلي يتواجد شبه...ويـاه ما اتفاهم
على زينب شكرلله...سجد حوا وآدم
السلامُ على قُدسيةّ الصفات
السلامُ على فخر المُخدرات
_____________________
طولها بسملة صاير...والحجاب الآيه
عرش فوگ الگاع يمشي...وين صارت هايه
ثورة النحر الحُسيني...زينب امسمايه
رايه كسرت رايه رُفعت....هيَ زينب رايه
السلامُ على هَزامةّ الطُغاة
السلامُ على فخر المُخدرات
_____________________
زينب اليلفظ إسمها...غيرة لازم شايل
كولشي حق اتگوله زينب والبقيه باطل
بالسبي ابمشيتها صاحوا...خبر عاجل عاجل
اشجايب العباس يمشي...ويه راس الكافل
السلامُ على مكفولةّ الكُمات
السلامُ على فخر المُخدرات
_____________________
ماتت وتوصي العقيلة...رغم هذا امصابها
اهم شي عندي التحبني..بالحياة احجابها
للستر قلعة رصينه...لا يكسروا بابـها
ابعينها الخلت حجابي...زينبيه القابها
السلامُ على زينِ المُحجبات
السلامُ على فخر المُخدرات
____________________
توصي كل خادم حسيني...صوتها اتسمعونه
بالحياة وبالممات...حسين لا تنسونه
اليحترگ گلبه علينه...مخلص ايكتبونه
علي والزهره ابدمعهم...خادم ايسجلونه
السلامُ على الحورا مدى الحياة
السلامُ على فخر المُخدرات
_____________________
الشاعر : حاتم صبري الكاظمي
رد مع اقتباس
