هنا

[زيد المدريدي]

يا يمه ماتبكي .......... خلي الوطن يبكي
ينعل أبو الجانا .......... لافح عباية الدين
دخل الكلام الحوش..ضقنا الهوان الشين
الطيبه ليها حدود ......... ياسادة يانايمين
ياناس كفاية هوان .. ولا إنتو مرتاحيين !!

[زيد المدريدي]

معموله منافسة بين أجهزة أمن أمريكا وبريطانيا والسودان _ كل جهاز دسو ليهو أرنب في غابة و البطلع أرنبو أسرع من التاني بفوز
_ جهاز أمن أمريكا دخل الغابة وطلع بعد ربع ساعة معاهو الأرنب _ جهاز بريطانيا نفس القصة لكن قعد نص ساعة
_ دخل جهازنا ده اتأخرو واتأخرو واتأخرو واتأخرو المهم الناس بعد زهجو لحقوهم جوة الغابة لقوهم ماسكين ثعبان وبعذبو فيهو وبقولو ليهو قول أنا أرنب قول أنا أرنب..!!

[زيد المدريدي]

البشير مشى هولندا مع نافع ماشين في الشارع شافوا لافتة مكتوب فيها مزرعة ابقار
سالوا الراعى كيف بتزرعوا الابقار قام ردة عليهم بى( استعباط )بنرش سكر
البشير لمن رجع السودان في القصر قام رش سكر ونام لمن قام الصباح لقى في نمل
ضرب لى نافع قاليهوا تعال شوف البقر وهو صغار شكلوا كيف...

[زيد المدريدي]

تخيلو قصه حقيقيه وواقعيه حدثت في عطبره :
معلمه قالت : كنت ماسكة ناس سنة تامنة في فسحة الفطور , فجاء طالب من سنة تالتة دق باب الفصل داير اخوه البيقرا في تامنة . قامت رجعت الولد و قالت ليه : نحن شغالين . الولد كرر العملية و دق الباب تان...ي و تالت .. هنا تدخل الطالب بالصف الثامن قائلا للاستاذة : يا استاذة خليني امشي عشان اخوي بكون عايز يفطر . ردت ليه : خلي يفطر و يخلي ليك ساندويتشيك . قال ليها : لكن يا استاذة نحن الاتنين عندنا ساندويتش واحد بنتقسموا ..!!

[زيد المدريدي]

الاشتراكية :أن يكون عندك بقرتين و تعطي واحدة لجارك
الشيوعية : أن يكون عندك بقر تاخذهم الحكومة و تعطيك شوية حليب
النازية : أن يكون عندك بقر تاخذه الحكومة و تعدمك
البوذيه: ان يكون عندك بقر و تعبده
اما الجماهرية :أن يكون عندك شوية بقر واقفين و يهتفوا .... الله .. معمر وليبيا وبس...
الهبالة: انو البقرة تكون تقول لا لدنيا قد عملناو هى لله هى لله لاللسلطة ولا للجاه

[زيد المدريدي]

ﻳﺎﻳﻤﺔ ﻣﺎﺗﺒﻜﻲ ..
ﺧﻠﻲ ﺍﻟﻮﻃﻦ ﻳﺒﻜﻲ ..
ﺃﻧﺎ ﺣﺎﺳﻲ ﺑﻴﻬﻮ ﺣﺰﻳﻦ ..
ﻳﻨﻌﻞ ﺃﺑﻮ ﺍﻟﺠﺎﻧﺎ
ﻻﻓﺢ ﻋﺒﺎﻳﺔ ﺍﻟﺪﻳﻦ ..
ﺍﻟﺠﺜﺔ ﻓﻲ ﺍﻟﺘﺮﻋﺔ
ﻇﻬﺮﺕ ﺑﻌﺪ ﻳﻮﻣﻴﻦ ..
ﻃﺎﻟﺐ ﻓﻲ ﺳﻨﺔ ﺃﻭﻟﻲ
ﻣﻀﺒﻮﺡ ﻭﻣﻘﻠﻮﻉ ﻋﻴﻦ ..
ﻭﺩﺧﻞ ﺍﻟﻜﻼﻡ ﺍﻟﺤﻮﺵ
ﺿﻘﻨﺎ ﺍﻟﻬﻮﺍﻥ ﺍﻟﺸﻴﻦ ..
ﻳﺎﻧﺎﺱ ﻛﻔﺎﻧﺎ ﺳﻜﺎﺕ
ﻭﻻ ﺇﻧﺘﻮ ﻣﺮﺗﺎﺣﻴﻦ ؟
ﺍﻟﻄﻴﺒﺔ ﻟﻴﻬﺎ ﺣﺪﻭﺩ
ﻳﺎﺳﺎﺩﺓ ﻳﺎ ﻧﺎﻳﻤﻴﻦ ..
ﻭﺍﻟﺤﻲ ﻣﺼﻴﺮﻭ ﻳﺸﻮﻑ
ﺍﻟﺜﻮﺭﺓ ﻓﻲ ﺍﻟﻨﻴﻠﻴﻦ ..
ﻳﺎ ﺍﺑﻮﻱ ﻣﺎ ﺗﺒﻜﻲ ..
ﺧﻠﻲ ﺍﻟﻮﻃﻦ ﻳﺒﻜﻲ ..
ﺃﻧﺎ ﺣﺎﺳﻲ ﺑﻴﻬﻮ ﺣﺰﻳﻦ .

[زيد المدريدي]

بيان هام
لكنها لغة العساكر في تربصها القديم
شرفاء الحركة الطلابية:
ظلت الحركة الطلابية تتحمل هموم وأعباء الحلم بالعدالة والديمقراطية في وطن يسع الجميع لدولة تسود فيها روح الحرية والعيش الكريم ، لكن يأب الانقلابيون (الكيزان)الا والحيلولة دون ذلك . منتهجين سياسة تكميم الأفواه واخراس الالسن ،مستخدمين اجهزة الدولة الأمنية والشرطيةوالعدلية،و

صحفهم الصفراء ، ومليشياتهم (الرباطة) ،في قمع ارادة الحركة الطلابية ،وقهرها بهدف اذلالها وتركيعها،لاعاقة مسيرة ثورتنا ، لكن هيهات، تم التصدي لهم بالصمود والجسارة .
الطلاب الشرفاء :
ان ما دار يومي الخميس والجمعة في حرم الجميلة ومستحيلة، ما هي الا محاولات شائهة من سدنة النظام واذياله (ادارة الجامعة-الحرس الجامعي-صندوق نهب الطلاب) للحط من مطالبنا وقضايانا ،لقد تابعتم يوم الخميس رفض واحتجاج طلاب الجامعة علي تشريف نائب الرئيس الحاج ادم يوسف (ابو ساطور) لتخريج طلاب الجامعة ،باعتباره احد ضغاة النظام الذين قتلوا وجوعوا شعبنا،لذا علي مثل هؤلاء يجب الا يدنسوا حرم الجميلة ومستحيلة، لكن ادارة الجامعة ابت الا ان تستفز الحركة الطلابية وتسمح له بالدخول ، في تواطؤ كامل بين الادارة والحرس الجامعي،بل فتحوا ابواب الجامعة مشرعة لمليشيات النظام لتأديب وتركيع الطلاب الشرفاء،في وسط وابل من الاعيرة النارية والملتوفات ،البمبان ،السواطير والسيخ. غير مكترثين علي سلامة الاساتذة واسر الخريجين واطفالهم،ناهيك علي سلامة الطلاب.
لم تقف هذه الحملات البربرية عند يوم الخميس وحسب بل استمرت ليم الجمعة ،حتي الداخليات،وتم الهجوم عليها ومداهمتها ليلا ،في داخلية الطلاب (مجمع الوسط) تم حرق اكثر من 25 غرفة في داخليات(كردفان –كسلا –النيل الازرق-المناهل) بكامل ممتلكاتها ، وتم ضرب طلاب واعتقال اخرين ،واصابات متفاوتة في وسط الطلاب تم نقلهم الي المشافي وهم بحالات خطرة،ورفض الرباطة للدفاع المدني لاخماد النيران الا بعد التهامها لممتلكات الطلاب ،وعند ارتفاع ألسنة اللهب وصوت المعركة داخل داخليات الطلاب ،قررن طالبات داخلية البركس ان يتضامن ويقفن مع اخوانهن الطلاب وهتفن وسيرن مسيرة ليلا حتي بوابة داخلية الطلاب ولكن تم مواجهتهن وقمعهن من قبل الرباطة وشرطة النظام وكلاب الامن، وتم ضربهن بالسياط والسيخ والبمبان بل وتمادو ودخلوا اليهن ليلا في غرفهن وتم اخراجهن عنوة في تلك اليلة الشتائية وهن ينامن علي قارعة الطريق ولا حياة لمن تنادي!!!
عند صبيحة السبت جاء مدير صندوق نهب الطلاب ومديرالجامعة وعوض السيد الكرسني (رئيس لجنة تقصي الحقائق التي تكونت بسبب احداث ديسمبر2011 م)، حيث قام الاخير المشهود له تاريخيا داخل الجامعة انه ضد طلاب جامعة الخرطوم ،بتحميل الطلاب مسؤلية الاحداث في استفزاز واذدراء واضح للطلاب الحضور ، تم طرد ثلاثتهم من الداخلية.

شرفاء الحركة الطلابية:
اننا في مؤتمر الطلاب المستقلين نحمل نظام المؤتمر اللاوطني ورباطته واذياله (ادارة الجامعة والحرس وادارة الصندوق) ،كامل المسؤلية لما حدث وان ما حدث يدل علي تفككه وخوفه من الثورة القادم ومن طلاب جامعة الخرطوم ،وعدم حرصهم لاستقرار الجامعة ،ونطالب بتعويض كل المتضررين فورا ومحاسبة الجناة،وان ما يحدث لن يضيع هدرا، علي صبية النظام بيننا وبينكم الثورة .
*معا لاستقرار الجامعةوالعام الدراسي.
*نعتصم حتي ارجاع حقوقنا .
*علي النظام الاعتبار من الدروس التي لقناها له،لا ولن ننكسر حتي اسقاطك.

[زيد المدريدي]

ثلاث اشياء مقتنع بيها قناعة تامة وبسعى لتحقيقها

_ الحكومة السودانية فاشلة وقيادي الحزب الحاكم هم اكبر المجرمين ...

_ يجب تغير هذه الحكومة التي حكمتنا بالقوة ودخلت الخرطوم على ظهر دبابة ..بخيار ثورة شعبية شاملة

_ الثورة ستعمل على وضع حكومة جديدة (منتخبه) بحرية وعمل دستور للبلاد يضمن حقوق كافة المواطنين ...ومحاسبة كل من قتل ونهب وسرق الشعب السوداني ...

كل هذا من أجل غدا مشرق لي ولك وكل اطياف وطنا العزيز

فما قناعاتك انت ...وهل تسعي لتحقيقها ..ام تكتفي بالجلوس على مقاعد المتفرجين ؟؟

[زيد المدريدي]

خطبة الجمعة بقت اعادة لنشرة الاخبار .. بس ناقص يختو شعار الجزيرة بدل عكاز الامام .. والخطبة تكون بالبروجكتر .. ويعملو فاصل اعلانى(خطبة الجمعة برعاية عدس الوابل) ..!
هامش:
الامام بيخش المعاش متين .. عايزين ائمة بيفهمونا ويقدرو انو فى قضايا مهمة بتهمنا .. غير اخبار القتلى والدعاء لولى الامر بالتوفيق حتى وان لم يرغب فيه .. وادعية الكراهية والقتل والمحق .. عايزين ادعية حب وتسامح وتآخى .. ادعية اكثر انسانية .. عايزين ائمة يحببونا فى الدين و الدنيا معاً .. مش يدعوننا نهرول نحو الموت والآخر .. لسه يا جماعة فى شوط تانى وزمن اضافى .. والحكم ما صفر ..

[زيد المدريدي]

السودان بعد الفين سنة:-
( صرح السيد الصادق ود عبدالرحمن ود الصادق ود الصديق ود عبد الرحمن ود الصادق ود المهدي ود الصادق ود عبد الرحمن ود الصديق ود الصادق ود الصديق ود عبد الرحمن ود الصادق ود الصديق ود المهدي)
بانه لابد من اسقاط النظام ولا بديل للديمقراطية..............