هنا

[ღ عِشق ღ]

قصائد ملا باسم الكربلائي مكتوبة - الليالي الزينبية ١٤٤٠ هـ





نعش زينب...ينتظر خوّانها
هالمسيه...خاتمةّ أحزانها

هذا نعش أم الخدر وأم الصبر
ياهو اليشيع الحره للقبر
وين عنها حسين وينه اشينتظر
وين عباس الكفلها وصانها
____________________________

عاشت وماتت غريبه ابكل زمن
والمصايب للمنيه ماقضن
مابقت أحباب عدها ابهلوطن
راحت وظلت حدر تريانها
____________________________

زينب الشافت حزن ماله مثيل
اشما حجت كل القصايد شي قليل
الليله صاحت ياحسين وياكفيل
هالكلمتين البقت بلسانها
____________________________

بالمصايب حيلها أم عون انهدم
عاشر امحرم زرع بيها الألم
ابكل وقتها اتشوف نيران الخيم
وهجمةّ الخيل وحقد عدوانها
____________________________

ابكل وقت بعيونها تلقه الدمع
ذابت من احزانها مثل الشمع
بيها نار اتوجرت حدر الضلع
وبالدمع ماتنطفي نيرانها
____________________________

امنيتها من قبل وقت الممات
اتشوف كل اخوانها يمها تبات
بقت حسرة وفارقت بيها الحياة
هاي زينب والحزن عنوانها
____________________________

الليلة زينب ذكريات الطف تشوف
صوره صوره ابروحها الليله تطوف
خيل و حبال السبي ارماح وسيوف
و الأشد منهن فقد وليانها
____________________________

الشاعر : عمار هليل الواسطي

____________________________

MP3

[عدنان الواثق]

روعاتك باسم ...زهوره المبدعه