رَحِم الله المُنادي .... وآ زينباه
أستعدوا وگوموا يا أمها وابوها
هذي زينبكم تعالوا استقبلوها
بالتراب امدللتـكم وسدوها
مدو چف للضيعت چفين اخوها
حيره ابذيچ البوادي .... وآ زينباه
___________________________
جتي ملهوفه لعطركم ولحچيكم
هيَّ منكم زينب ورجعت عليكم
ضيعتـها الدنيا واشتاقت تجيكم
حتى تشتم ريحة الحنيه بيكم
من عگب سبي الأعادي .... وآ زينباه
___________________________
غمضت عينها والدمعه ابچفنها
حرمه وبعازة أهل ساعة دفنها
لا ابوها ولا أخوها ولا أبنها
ماتت وليهسه ماطايب متنها
بعده جرح المتن بادي .... وآ زينباه
___________________________
تحت ظلكم عاشت وكبرت أميره
دارت الدنيا وغدت بتكم أسيره
الشّوف عگب احبابها المن تديره
ماتت ومنتظره چف بدر العشيره
تدري مگطوعه الأيادي .... وآ زينباه
___________________________
ماتت ولا يمها واحد بالمنيه
الشام ديرة غربه وهموم وأذيه
التفنت وصاحت يعمه يارقيه
گومي واقري الفاتحه ابصوتچ عليه
صاحت اتگطع فؤادي .... وآ زينباه
___________________________
ماتت ومشتاگه لحسين التحبه
للمحنه البي تحن والطيب گلبه
اشلون شافت جثته والشامت يسلبه
اشگالت وسمعت الشمر واگف يسبه
تسحگ اعليه العوادي .... وآ زينباه
___________________________
الشاعر : كرار حيدر الخفاجي
رد مع اقتباس
