قصيدة : زينب بهذا الليل شيعوها
للشاعر : السيد عبد الخالق المحنه
المناسبة : وفاة السيدة زينب (ع) 1440
حسينية الحاج داوود العاشور - البصرة
ليلة 15 رجب 1440 هـ
زينب ابهذا الليل شيعوها
يا خلگ فوگ الروس خلوها
ما يجيها العباس شيلوها
شيعوا بنت حامي الحمه و احزانها
ريت عباس الگمر دفانها
تنتظر بس ما اجوها اخوانها
وسفة ما شال نعش ولينها
ظلوا ابطف كربله و عافوها
هالله هالله بزينب ابوكت الدفن
بهيده خافن تلجم جروح المتن
هيه قبل الموت و مضيعه الجفن
و اللحد ما يكفي و هواي الحزن
ابهيده بالله وياها لتجموها
ليش نقره الفاتحة يم الگبر
و الفرض نقره قصيدة امن اليسر
لو سليبه و عالنهر تسمع عذر
نقره هوسه بيوم رد ليها المهر
حسين يبن امي الخيم حرگوها
نعي:السيد عبد الخالق المحنه
ما لفوني
اسيرة و ناس تكرها ما لفوني
متت و انده و اخوتي ما لفوني
بعلم كفّال خدري ما لفوني
غريبة و غربة اليشيعوون بيّه
يخوان
اريد اليوصل ابهالليل يخوان
و اريد امن العتاب اعظام يخوان
يطب الكربله و يصيح يخوان
لكم بالشام اخت ماتت سبيه
رد مع اقتباس
