اخواني اخواتي ممكن قصيدة تكون مكتوبة
كوم يا عباس
للرادود حسين فيصل
وجزاكم آلله كل خير
اخواني اخواتي ممكن قصيدة تكون مكتوبة
كوم يا عباس
للرادود حسين فيصل
وجزاكم آلله كل خير
..
https://www.dorar-aliraq.net/showthread.php?t=873446
هذه التقصدها ؟
لا يا أختي مو هي القصيدة ينشدها الرادود حسين فيصل وأخيه علي فيصل
ممكن طريقة تحميل الققصيدة بصيغةmp3
حتى تسمعها
التعديل الأخير تم بواسطة Abd.mohamad ; 22/March/2019 الساعة 11:41 pm
..
يلّي ثاوي ابكربلـه - زينب اختك راحلـه
گوم يا عباس و احضـر ليّه ابدار الغُـرب
خوية يا بو المرجلـه - تدري بيه مدللـه
رايده ابچفـك يـ خويه تنثر اعليّـه التُـرب
خويه بوفاضل يـ غالي ردْتك ابهذا الوگِـت
و آنه من دونك حبيبـي ابهالزمان اتحيـرِت
حاشى بالنخوة يـ خويه ابيوم عني گصـرِت
و يلّي ما مَرة نختيـك و انته عنّـي تأخـرِت
يا غريـب ابغربة آنه من بعد نورك صـرِت
كون آخر يوم عينـي تغفى بعيونـك ردِت
يلّي ترهـب خزرتـه - و اﻷعـادي هـابتـه
واللي وصّاه الصميدة ينسى وعده شگد صعُـب
يالشبـه عقـد الولـه - تـدري بيّـه مدللـه
رايده ابچفـك يـ خويه تنثر اعليّـه التُـرب
يا نسيـم الروح و أعظـم سلوى لي يا كافلـي
و يا گمـر يضوي ابليالـي غربـة سنيني إلـي
چفوفك الطيبة الشريفة البيها شم ريحة هلـي
بيهـا احمل هالجنازة الـ زينـب اختك يالـ ولـي
و ما أوصـّيك اعلى هونـك مثِـل شيلـة محملـي
امتونـي لسّـه ايآلمونـي و الله يا غيـرة علـي
خويه بـ امي الطاهـرة - و ابـ جلالة حيـدرة
انهـض ابهمّـة يخويه و أگطـع ابسرعـة الـدُرب
يلّي نايـم بالفلـه - تـدري بيّـه مدللـه
رايده ابچفـك يـ خويه تنثر اعليّـه التُـرب
يلّي ضحيت بحياتك لجلي و انطيت النظَـر
عندي للتجهيز طلبـة و أستمع يا هلـ گمَـر
خوية للتغسيـل اجلب گربة من ماي النهَـر
و الچفـن بخيـام اختـك لو بگـى ليهـن اثَـر
و تُربـة جيب اوياك مختلطـة مع دم النحَـر
من اخويـة حسيـن سلوى ليّه ابهذا السفَـر
خوية غطني بالعلـم - يا بو فاضل يا شهـم
سامحيتـك خوية كافي لا تـوّن و تضطـرُب
باگي آخر مسألـه - تـدري بيّـه مدللـه
رايده ابچفـك يـ خويه تنثر اعليّـه التُـرب
المشاركة الأصلية كتبت بواسطة هيلــه
جزاك الله كل خير
يغلق الموضوع
بعد اكتمال الاجابة
