البارحه ، ليله غريبه البارحه
ليله بيها ذنوب چانت طايحه
جان صوت الليل .. صوت
ذبّت الورقه الاخيره
وطلعت من اللعبه . هي الرابحه
:
هي ليله ، ابتدت من نص العمر
لآخر صفنتي
:
بيها اذكر ماحچيت
وانتي مثلي شكد سكتي
غير بس : شلونك انته ؟
شلونج انتي ؟
:
والملامح بالملامح سارحه
ومن كثر ما شالت الليله ترافه
صرت احس كلمة احبچ.. جارحه
:
جان اول شامت بحبنا ،، الصبح
طب علينا ، من وره البرده القديمه
وخله كلشي الما يبين ينفضح
الله لا ينطي الصبح
:
طب علينا
وهي جانت لابسه زنود وظفيره
والتراچي من الخجل فوگ المناكب لامعه
والله لو ما استحي من العصافير
جان سمعته حجي الماسامعه
غطّت الجنه بسترها
ولمّت من الكاع وعيوني شعرها
وكالت ونعسانه جانت ...رايحه
البارحه
رضا شاكر الكعبي
رد مع اقتباس
المشاركة الأصلية كتبت بواسطة فقار الكرخي
