هنا

[ملكةه]

نطيني البرنامج لان ني اتعاجز اقرا ويصير للموبايل


تسمع اغاني لو لا≈

اكثر ماده جنت اتحبها

شنو جبت هديه ل امك البارحه

[د. حسن سعيد]

نطيني البرنامج لان ني اتعاجز اقرا ويصير للموبايل
اسمه talk back يصير للهواوي بس ميفيدج لأن يخربط طريقة الاستعمال المتعودة عليها، بالنسبة لتليفوني iPhone اسم برنامجه voice over تلكيه بكل آيفون بالاعدادات / عام / امكانية وصول ذوي الاحتياجات الخاصة طبعاً هم يغير طريقة استعمال الجهازة، وللحاسوب عدنة برنامج nvda هذا ميغير طريقة الاستعمال

تسمع اغاني لو لا≈
اي كلت كاظم وحسام اكثر شي ومرات أغاني أخرى
اكثر ماده جنت اتحبها
الأحياء

شنو جبت هديه ل امك البارحه

للأسف هالمرة ما جبنا شي بس ان شاء الله باجر

[ميلا]

ذكرت انك كفيف ،،
وايضاً ذكرت اانه شفت موقف انقلاب سياره وتفحم احدهم ..
تقدر تفسر؟
ايضاً .. كيف تعلمت الالوان وحبيت الازرق اذا كنت منذ الولاده كفيف ؟

---

..

[د. حسن سعيد]

ذكرت انك كفيف ،،
وايضاً ذكرت اانه شفت موقف انقلاب سياره وتفحم احدهم ..
تقدر تفسر؟
ايضاً .. كيف تعلمت الالوان وحبيت الازرق اذا كنت منذ الولاده كفيف ؟

---

..

صح ما أنكر هذا الشيء ، نعم السبب ولادي بس التلف ما كان كلي يعني كان عندي جزء من النظر يصل الى 30% حالياً باقي منه 10 الى 15% في كلا الحالتين مستوى النظر يدرج ضمن الكفيف لأن ما أكدر أكتب ولا أقرة باستخدامه، من كان نظري أقوى نعم شفت السيارة المقلوبة والجثة المتفحمة، وبذاك الوقت كنت قادر على تمييز كثير من الألوان فحبيت الأزرق.
ملاحظة جيدة تستحقين تقييم

[ميلا]

صح ما أنكر هذا الشيء ، نعم السبب ولادي بس التلف ما كان كلي يعني كان عندي جزء من النظر يصل الى 30% حالياً باقي منه 10 الى 15% في كلا الحالتين مستوى النظر يدرج ضمن الكفيف لأن ما أكدر أكتب ولا أقرة باستخدامه، من كان نظري أقوى نعم شفت السيارة المقلوبة والجثة المتفحمة، وبذاك الوقت كنت قادر على تمييز كثير من الألوان فحبيت الأزرق.
ملاحظة جيدة تستحقين تقييم

هالتلف ما اله علاج ب شي طريقه او دوله متقدمه ؟
والتلف ب العين او ب بؤبؤ او شنو ؟

وهل استخدامك لعينك يزيد نسبه العمى ؟ ،، يعني بمرور الزمن يقل وينعدم ام يبقى ثابت؟ ..
وتتوقع شي طريقه او علاج طبيعي ممكن تقوي عينك ويزيد النظر ؟؟

حالياً انت دتقول ما واصل مرحله العمى الكلي ، تقدر توصف الكميه الللي ممكن تشوفها ؟
يعني توصف لنا انت شلون دتشوف بالنسبه اللي عندك اللي هي 10-15 ٪؜

اتمنى اسئلتي ما تزعجك ^^ .. لكن اتصور انت معتاد ع اسئله مثل هذه بما انو انت مشاركً بمنظمات توعيه مال مكفوفين

..

[^-^بطيخة^-^]

اهلا بالعم حسن ..



يمكن سؤالي فض شوي ..
بس لفت انتباهي وفضولي شغله .. انت گلت انو انت كفيف من الولاده .. وكلت شفت حادث ..الخ ، شلون ؟؟ .. وشلون تعرف الالوان ؟ ..
زين ماكو طريقه ممكن تخليك تشوف مستقبلا ؟؟
هم عانيت بسبب هالشي من جنت طفل او مراهق ؟؟
اتوقع انو مجنت متقبل نفسك لحد فتره معينه
شوكت تقبلت نفسك وتأقلمت ويا حياتك بكل تفاصيلها وتحب اختلافك بلا م تعتبره شي دميم او نقص ؟ وشنو السبب اللي خلاك تتقبل ؟
شنو شعورك لما اول مرا سألوك عن كل تفاصيل مرضك ؟


دخولي مفاجئ من كل النواحي مو هههه
منور الكرسي عموو

..

[^-^بطيخة^-^]

ذكرت انك كفيف ،،
وايضاً ذكرت اانه شفت موقف انقلاب سياره وتفحم احدهم ..
تقدر تفسر؟
ايضاً .. كيف تعلمت الالوان وحبيت الازرق اذا كنت منذ الولاده كفيف ؟

---

..

صح ما أنكر هذا الشيء ، نعم السبب ولادي بس التلف ما كان كلي يعني كان عندي جزء من النظر يصل الى 30% حالياً باقي منه 10 الى 15% في كلا الحالتين مستوى النظر يدرج ضمن الكفيف لأن ما أكدر أكتب ولا أقرة باستخدامه، من كان نظري أقوى نعم شفت السيارة المقلوبة والجثة المتفحمة، وبذاك الوقت كنت قادر على تمييز كثير من الألوان فحبيت الأزرق.
ملاحظة جيدة تستحقين تقييم

نفس تساؤلي .. اني يعني هم استاهل تقييم مو ههههه
.

[^-^بطيخة^-^]

قريت كاتب بطيخه عضو حباب ، وعضو خجول همين هههه
ليش تعتبر بطيخة حبابه بينما يعتبرونها عنيفه ..
وشلون استنتجت انو اني خجوله هههه

شنو رأيك بالفيمنست اليوم ؟
شنو رأيك ببغداد .. وبنات بغداد
برأيك ليش المحافظات ميحبون البغداديات (حتى وان گالوا حبابات وكذا وماكو هيج حجي ) بس من توصل للصدك ميحبون يتناسبون من بغداد ويذمونهن ؟؟

ليش الكظماويين حلوين ههههه والكاظميات ينعشقن ؟
يعني ليش حلوين اللي من الكاظميه وكيوت دائماً ههههه
تعتقد وراثه يعني من الاصول القديمه حلوين وتوارثوا الجمال؟ ههههه



..

[د. حسن سعيد]

هالتلف ما اله علاج ب شي طريقه او دوله متقدمه ؟
للأسف لا لحد الآن ماكو لأن خلل جيني ومن الصعب جداً استبدال مجموعة أعصاب أرفع من شعرة الرأس لكن الله كريم
والتلف ب العين او ب بؤبؤ او شنو ؟
التلف بشبكية العين وضعف بالعصب البَصَري

وهل استخدامك لعينك يزيد نسبه العمى ؟ ،، يعني بمرور الزمن يقل وينعدم ام يبقى ثابت؟ ..
أكيد يزيد الضعف والدليل سابقاً كنت أعتمد على عيني بشكل نسبي لكن صارت تضعف أكثر فقررت التخلي شبه الكامل عن استخدامها الّا في حالة الضرورة
وتتوقع شي طريقه او علاج طبيعي ممكن تقوي عينك ويزيد النظر ؟؟
لا ما أتوقع هكذا شيء لأن جربت كومة وما نفعن ، بقت رحمة الله الوحيدة اللي ممكن تعالجني
حالياً انت دتقول ما واصل مرحله العمى الكلي ، تقدر توصف الكميه الللي ممكن تشوفها ؟
يعني توصف لنا انت شلون دتشوف بالنسبه اللي عندك اللي هي 10-15 ٪؜
مممم اذا تتذكرين هواتف نوكيا القديمة جداً الجيل الثاني من طراز 3200 وأمثالها اللي كانت كاميرا الهاتف تنقل الصورة صغيرة وغير واضحة؟ نفس الشي عندي أشوف أكثر الأشياء لكن صغيرة وغير واضحة، لكن أكدر أشوف البنايات والأشجار والسيارات القريبة مني ، طبعاً كل ما كان الشيء صغير أحتاج الى قرب أكثر حتى أكدر أشوفه .. يعني البيت أشوفه عن بعد 7 مترات بينما السيارة الصغيرة عن بعد 3 أمتار والعمارة عن بعد 13 متر لكن بشكل عام الصورة ليست واضحة بعض الشيء. أتمنى الشرح واضح ومفهوم

اتمنى اسئلتي ما تزعجك ^^ .. لكن اتصور انت معتاد ع اسئله مثل هذه بما انو انت مشاركً بمنظمات توعيه مال مكفوفين

..

كلش اعتيادي بس للمعلومة أنا لست عضو في أي منظمة خاصة بالمكفوفين إنما ناشط مستقل وعلى قولج آني ناشط في قضايا المكفوفين ومرات أفتعل سبب حتى أثير انتباه المقابل أو الحاضرين وأخلّيهم يسألوني علمود أعرّفهم بهذه الشريحة من المجتمع

[د. حسن سعيد]

خالة : من يكولولج عمري 50 سنة عود صيحيلي عمو ، مو حتى اذا أريد أتزوج وحدة من الدرر هم بعد ما أكدر لأن عبالهن عجوز باختصار سوكي خرب من وراجن انتن جماعة عمو رح أكتلجن بالتوثية هههههههههه

اهلا بالعم حسن ..



يمكن سؤالي فض شوي ..
بس لفت انتباهي وفضولي شغله .. انت گلت انو انت كفيف من الولاده .. وكلت شفت حادث ..الخ ، شلون ؟؟ .. وشلون تعرف الالوان ؟ ..
لا مو فض بس هذا دليل انتِ ما قارية كل الموضوع - صدك شتقريه هو 10 صفحات هههههههه- نعم كفيف من الولادة لكن مو كف بصر كامل يسموه كف جزئي لأن كانت نسبة نظري 30% والآن أقل من 15% لذلك صحيح شفت الحادث واني بالمتوسطة وعرفت معظم الألوان من أيام الابتدائية، وأزيدج انتِ والأصدقاء هنا من العلم آني داومت شهر بصف أول ابتدائي بمدرسة عادية بعدين بطلت وحولت السنة الجاية لمدرسة خاصة بالمكفوفين بعد ما اكتشفت نفسي ما أكدر أشوف الحروف بالكتاب إلا بجهد مضني لعيني، نتيجة لهذا الدوام القصير عرفت أكتب الحروف بخط ايدي وحبيت الكتابة فتعلمت كل الحروف العربية والانكليزية بطريقتكم بس خطي سيئ
زين ماكو طريقه ممكن تخليك تشوف مستقبلا ؟؟
حالياً لا مستقبلاً الله أعلم
هم عانيت بسبب هالشي من جنت طفل او مراهق ؟؟
بالمتوسطة والاعدادية جنت مرات أنقهر لمن أشوف غيري يلزم كتاب وجريدة ويقرة واني الا اطلب من واحد يقرالي
اتوقع انو مجنت متقبل نفسك لحد فتره معينه
شوكت تقبلت نفسك وتأقلمت ويا حياتك بكل تفاصيلها وتحب اختلافك بلا م تعتبره شي دميم او نقص ؟ وشنو السبب اللي خلاك تتقبل ؟
توقّع غلط من البداية متقبل نفسي صح مرّات أعترض وأضوج لأني كفيف لكن هذا كان بالمتوسطة وبداية الاعدادية يعني كل كم شهر أضوج فد ساعة ساعتين بعدين أرجع طبيعي، واقعاً هو نقص خَلقي مو أخلاقي يعني ميؤثر على حياتي بشكل كبير لكن حتى أكون صريح نعم شوية يقيدني ببعض تصرفاتي ومرات أواجه بعض الصعوبات خاصة بالقراءة يتطلب برامج متعددة لقراءة كتاب صغير مثلاً، فالعين لها أهمية وإلّا لَما خلقها لنا الله، لهذا اذا يوم لكيت علاج فمن الطبيعي بَل والمنطقي أن أتعالج بيه،
شنو شعورك لما اول مرا سألوك عن كل تفاصيل مرضك ؟
شعور شوية بالضيق بس ما اهتميت له

دخولي مفاجئ من كل النواحي مو هههه
كَلّا البتَّة ليس مفاجئ ولا من كل النواحي هو يقتصر على ناحية واحدة
منور الكرسي عموو

..

نورج السابق ورح يخرب سوكي من سالفة عمو مالتج اللي شمرتني من عمري الحقيقي 28 سنة الى يمكن 45 بنظر الأعضاء