المشاركة الأصلية كتبت بواسطة ڛــڼــېْــﯜڔٻــڼــا♛
بما انه اني ناسيه رقم 5
نرجع نحطه بالقائمه
5:شنو نظرتك للحب ؟
شعور جميل ، عبارة عن فهم كل حبيب لحبيبه ومعرفة ما يحب ويكره بدون أن يخبره
وهسه نرجع للترقيم الاعتيادي
8: بالوقت الي كل البنات كامو ينشرون صورهم ووجهم ضاهر برأيك هذا الشي صح؟
حالياً لا لأن المجتمع ميتقبله بسبب عدم كفاية معرفته والأهم في نظري هواية ناس سيئين ياخذون الصور ويحرفوهن بالفوتوشوب ويسوون مشاكل
9:شنو اصعب موقف صار بحياتك ؟
أمتنع عن التصريح
10: مستقبلا اذا اطفالك رادو الزواج عن حب تأيد هالشي سواء ولد او بنت لو تاخذ موقف الاب المعارض والرافض الابدي للفكره ؟
للفكرة وليس للفكره لأنها مؤنث ، نجاوب : مؤيد لهذا الشيء لكن يجب أن نتحقق من أخلاق البنت والولد الذان يروم ابني وبنتي الزواج منهما على التوالي
11:بصفتك عايش ببغداد ماتشوف بنات بغداد كامن يقلدن الاجنبيات باللبس والحريه الزايده
بعضهن نعم ولو هاي ظاهرة انتشرت بكل العراق بس ببغداد شوية أكثر
12: وجه لي كلمه وشنو نظره الماخذها عني من خلال تواجدي بالدرر ؟
كلمة لكِ (ابقي رائعة كما نعرفكِ) ، نظرة شخصية سجّاجة -بالجيم المعجمة ch- تحب القراءة
13: زواجك كان تقليدي لو عن حب ؟ وهل زوجتك تنطبق عليها مواصفات فتاه الاحلام الي جنت تحلم بيها بيام الشباب؟
تقليدي و..... لا تنطبق عليها مواصفات فتاة الأحلام
14: مجرب شعور الغربه لو لا؟ واذا كتلك اريد ارجع للعراق واكمل دراستي بي تايدني لو لا ؟
ما مجربه، اذا مرتاحة بألمانيا فنصيحة لترجعين للعراق لأن البلد يسير من سيئ الى أسوأ
15:يقال بأن الالم الذي لانتعلم منه نستحقه مجددا
شنو الالم الي اصابك ؟وتعلمت منه لو لا؟
تعلمت ما أتقبل شي اسمه واحد يخون ويتوب، الخائن لا توبة له
16: بصفتك من ارقىالشخصيات الي عرفتها بدرر والي دائما تجذبني ردودها ماتشوف الصفات الرجوليه بدأت تختفي عند الاغلبيه؟ يعني مثلا تشوفه شايل سلاح وكذا والناس تحجي عنه وعن شهامته بس من توصل للزواج يصارح حبيبته بأن امه تخطبله برأيك شنو السبب ورا هالشي ؟
أول شي أشكرج على هذه الشهادة اللي أعتز بيهة، ثاني شي من حيث اختفاء صفات الرجولة لدى الكثير نعم ألاحظ ذلك بكثرة، صرنا جيل sponge bop وزلم الشاشات و PUBG وأخواتها، لكن مو معناها اذا أمه تخطب له إنه قليل الرجولة، ربما يفضل الاعتماد على أمه لخبرتها في الحياة ومعرفة أحوال البنات.
17: يقال وراء كل رجل عظيم امرأه فماذا وراء كل امرأه عظيمه؟
إمرأة صنعتها
18:سنه تتمنى تمحيها من تاريخك ؟ 2018
19 : شنو اسم اول كتاب قريته ؟وشنو اكثر كتاب اثر بشخصك ؟ بعيداً عن المناهج أول كتاب اسمه (المنطق) تأليف الشيخ المظفر
20: الانسان الله خلقه حر فاكو البعض منهم يتقيدون بالوطن وبالاهل والارض ... والخ انت منهم لو لا؟ لا مو منهم
21: شنو سبب اللقلب(حلم ضائع)
تم صيد السحكة (اللقلب) هه نسيت أكلكم هوايتي صيد السحكات، اللقب هاكذا (حُلمٌ ضائع) وليس (حلم ضائع) والسبب ضياع أحلامي السابقة فالتنوين في حلم يعني ضياع الحلم وإذا كتبناه بدون تنوين يعني إن الحلم يعود لشخص ضائع هو أنا ، وطبعاً أنا أقصد أن حلمي هو الضاع كنت أتمنى أن أصبح طبيب وأن ......
وممنونه منك
نحن لا نهزم
هاي مّنا لباجر ما أخلّصهن
