هنا

[الشاعر هاني]

شمعه روحي ذابت ابفگد الغوا لي
دمعه عيني دم بچت طول الليالي
وبگلبي حسره وشلون أصبره
***
أني واحد من ألف فاگد حبيبه
واني واحد من ألف عدهم مصيبه
تكسر الخاطر مصيبتنه عجيبه
كل شخص من عدنه مشتاك الطبيبه
الفاگد أحبابه يگول الهم صفالي
لحبابي ذكره وبگلبي حسره
***
راح اسولف عن هضم روحي وحزنهه
وراح اسولف حزن مضيومه بزمنهه
ادري بالتفگد ولدهه يصير ونهه
اشجه من ون الحمامه المات ابنهه
داري خالي تگول والله داري خالي
انظرله نظره وبگلبي حسره
***
روحي ياروحي بجرح متنگع أبدم
على الراحوا من ايديچ بليل اظلم
چم عزيز الر اح منچ چان مهتم
بعد هيهات الشمل يرجع ويلتم
تچويني جمره وبگلبي حسره
***

هاي صوره أهناك صوره والشوارع
والله لو تحچي تسو لفلك مواجع
صور بيهه تعلگت تدمي المدامع
صور جيش حسين عنوان المراجع
ذوله خدام العقيده واغله والي
والد العتره وبگلبي حسره
***
الزمن عميه عيونه لحبابي غدرهم
شيب شبان الگطف وردة عمرهم
اخذ مني ناس ضيعلي خبرهم
وخله نار الشوك بجروحي ألصورهم
بكل زمان وكل مكان أبچي أعله حالي
بعيوني عبره وبگلبي حسره
***
يازمن عنك شسولف ادري انته
سهم أحزانك على الأحباب جبته
بغدر أيامك اعز ناسي أخذته
وگلبي مجروح بهوى الغياب عفته
ليلي ونهاري الحزن يجرح سؤالي
ياجرح يبره وبگلبي حسره
***
هاني حماده البلداوي
15\شول\1437

[sawsanmahmoud]

شكرا
وينقل الموضوع للقسم المناسب اله

[فقار الكرخي]

تسلم ايدك شاعرنا