السلام عليكم ..
صباح الخير ..
طبعاً اني زعلان كلش عليكم ..
ومو بس زعلان كلش .. اهواي زعلان ..
ومو بس اهواي زعلان ... حييييل زعلان ..
والسبب .. لأنه صارلي يومين غايب عن الدُرر ..
ومحد سأل عَليه .. وگال هذا الزلمه مَيت عَدل ..
يمعود حيدر ... على كيفك ويه العالم ..
( عود على اساس صارلك 13 سنه غايب عن المنتدى ) ..
المهم .. نرجع للموضوع ..
اني زعلان عليكم ..
لأن چنت مريض كلش ...
وانوب طلعتلي صفح الدراجه ( گامت ) ..
بطحتهه بالحوش واشتغلت عليهه الأسباين ..
والحمد لله كَملتهه ..
بس راوتني النبي عَربي ..
هسه احتمال واحد يسأل ويگول ..
شنو دراجتك .. ؟ بَطحه .. ؟
لاعمي مو بَطحه .. بس اخت البَطحه ( ذبانه ) ..
المهم نرجع للموضوع ( اني زعلان ) ..
ابربكم .. اشلونهه الدراجه من بَعد التصليح ..؟
ليش انتوا مَتسألون من واحد ايغيب ..؟؟
دَگني المرض ياناس سـواني تشريب ..
ليش انتوا مَتسألون من واحد ايغيب ..؟؟
اجروحــي شَبــت نـــار ماتقبل اطيب ..
ليش انتوا مَتسألون من واحد ايغيب ..؟؟
چا اصدقاء أمنين ؟ نستورد انجيب ..؟!!
ليش انتوا مَتسألون من واحد ايغيب ..؟؟
أنـــه الزمـــن ويـــاي گظاهــه تَعذيب ..
ليش انتوا مَتسألون من واحد ايغيب ..؟؟
عَوضوني عاد اليــوم سوولي تَرحيب ..
ليش انتوا مَتسألون من واحد ايغيب ..؟؟
گلبي ابسببكم حيـــل عَطبته تَعطيب ..
ليش انتوا مَتسألون من واحد ايغيب ..؟؟
منكم ردت معروف يهل الوفه وطيب ..
ليش انتوا مَتسألون من واحد ايغيب ..؟؟
ودولي بس كلمــات هربوهـــه تَهريب ..
ليش انتوا مَتسألون من واحد ايغيب ..؟؟
دگــولي هورن عـــاد سوولي بب بيب ..
ليش انتوا مَتسألون من واحد ايغيب ..؟؟
جَرب الحاله وشوف حَت گلبك ايشيب ..
رد مع اقتباس
المشاركة الأصلية كتبت بواسطة الحنونة
