باسم_الكربلائي_Bk قصيدة : بويه لا تبجي عليه
للشاعر : الدكتور فراس الصافي
المناسبة : الليالي الفاطمية 1440 - ساحة الشهداء - البصرة
بويه لا تبجي عليّه عليه
باجر تحضنك اديّه اديّه
مبين اعليّه غيابك لحظة لحظة
يا رسول الله العمر بجفاك ومضه
حاجزه بقلبك ضلع و الباب رضّه
خل اشمك و الضلع ربك يعوضه
هينه يا بويه المنيه المنيه
باجر تحظنك اديه اديه
همه مسمومين و الشيطان غرهم
انه بنتك فاطمة و احمل غدرهم
بويه بس لا تبجي و تبرد جمرهم
الكسرني دموع عينك مو كسرهم
ولا تشمت اعداك بيّه بيّه
باجر تحضنك اديّه اديّه
عقبك الشامت اجه و بنتك لمسها
ما تفيدج سبحتج طشري خرزها
راجت ايام الدلا ل و راح عزها
و بغمد سيفه النذل گام ووكزها
بويه ما عدهم حميه حميه
باجر تحضنك اديّه اديّه
بويه احس بسمارهم يطلبني ونة
من كسرني اتبسمت و احتار اظنه
كلشي ما يسوه الألم جدامي جنه
يا حلاة الموت من يجمع شملنه
ما يهم احمل اذيه اذيه
باجر تحضنك اديّه اديّه
ابني محسن من وگع خنگتك عبرة
العدها مثل المصطفى تنذرله عشرة
ادري توجع عصرتي و گلبك تكسره
ضلعي يلجمني نعم بس يمك ابره
اشفه بس اترد اليّه اليّه
باجر تحضنك اديّه اديّه
ما تهمني جروح و آهات و مصيبة
يا محمد كون شوفتنه قريبة
حيل مشتاگه تناديني الحبيبة
راح اگّمط محسن وويايه اجيبه
اني و المحسن سويّه سويّه
باجر تحضنك اديّه اديّه
الأشد من ناري نيران الصميدة
يحوم مثل الصگر من يشوف صيده
لازم الحيته و يون و السيف بيده
بويه ما مش صوت بس اسمع رعيدة
مجتف الحيد بوصية بوصية
باجر تحضنك اديّه اديّه
تحميل mp3
هنااا
رد مع اقتباس