تـــذكــريــنــي.....
ماگلج نسيتج وانتهى الموضوع
بعدج بالگلب نبضي وشراييني،،
ماگلج نسيتج واعيونج الحلوات..
الدمعه يم صورتج تجويني ،،
بغيرج اانه.
ورد ذابل
وبشوفتج ندى و ترويني.. رحتي عني وكبر سني. وگمت احرگ عمري واسنيني..
تذكريني،،
خل اسٲلج. تذكريني.
من يصادف بعينج مكان بي مشينه، وجانت ادينج باديني،،
تذكريني...
هم تسلم. ذيج المسطبات هم تسٲلج عني وعن حنيني،،،
تذكريني،،
هم تبتسملج ذيج الاشجار
البفيها تسامرنه، اشاقيج وتشاقيني،، اغمزلج وتخزريني،،
تذكريني،،،
انتي هسه بعالم الراحه. واانه المتعوب مانشف طيني..،،
نسيتيني
ستوه الدمع من خدي مسحته،،
الجانن اصابيعج مخدته. وبشرشف جفونج تغطيني تذكريني،،
ااانه ذاك الفتح گلبه. واانه ذاك الصان حبه،،
من تعطشين والله اشگلج نهر من عيني،،
تنكريني...
ماندمان عالراح وخسرته.. بس هضيمه اتصيروصعبه انته،،
خنجر بيد اليٲذيني...
خنجر بيد اليأذيني...
ماگلج نسيتج وانتها الموضوع بعدج بالگلب نبضي وشراييني،،،
تذكريني،،،
كلمات ،،
اسعد الشرهاني
رد مع اقتباس
