دمنه وحنتك طاحن ع التراب
دمنه وحنتك طاحن ع التراب
ووشبجنه ارواحنه وفزينه عرسان
واسامينه النزف بيهن حجه هواي
وزهن بين السنين بكل الالوان
الهلابك من سمارك تسوه تاريخ
الربيع الجوه جفك ضحك خلان
عرفت الله بگمرتك واستعديت
وگلت لازم اطيح بگبته اذان
وگلت لو جثّتي لو روحي انطيك
وعشگتك والعشگ للناس عنوان
وهذا انا ع ساتر گاعك اليوم
أغنيك بغنه اليم خله دفيان
أغنيك وضميري هواي مرتاح
المنية الدافية يگابلها انسان
ومنيتي ابين جفك شمه وافيش
تكفي ويم نجمتك ليلي سهران
الرصاصة التستحي يلم شوفها الريح
وانا بغيضي النسيم يصير دخان
حلفت وداعتك واحزانك البيض
چثثهم مايلحگ ليها دفان
لخلي الكاتبه الله يصير مرتين
انا وي المنية اليوم صحبان
انا زارعني حبك يابو العزاز
وضوه ترابك سلوتي بوكت الاحزان
ويقين الطايح ويدموع العيون
وسلام الذابل المن خله زعلان
الي عندك امل ماضگته لليوم
والك عندي وعد مايبقى ذبلان
لو موت بشرف لو حزنك يطيب
بشرط بثنينهن مايبقى نيشان
م
رد مع اقتباس
