شاعر اجروحه حنينه
اهجي بيك وجان عنوان القصيده ارجعلي أحبك
وكملت بجفي القصيده
ومن ضكت آخر شطر
حنضل بريجي
ودورت حزني وشربته خاف يشرب لون خدك
وصيحت من يشتريها
بيها الف لجمه وجرح هاي القصيده وشاعر اجروحه حنينه
شاعر وبستانه زاهي وباكو امن اعثوك تينه
وماكو شراي لحجينه
لاعيوني الضاكتك طيف بسهره
ولالساني يلملم اعتابه ويلم كلبي حنينه
ياسهر ماتستحي بعيوني حرمه
وخاف افرعها بدمعتي
ياسهر ارد اشتكيلك عوفني وصدك جذبتي
ونذكر طاريك بيه وردت ابجي
ردت ابجي ومابجيت
وعاتبت عيني ودمعتي
وصرت مخيط للنسوني
وحشمت خيط الصبح ينلظم بيه
ومتت سكته وشيعت روحي ابديه
وفرحت الشمات كله
ومات ابوي انطاني عمره
وصارت وجوه الشماته اهواي صفره
الربيع لبيه عايش مدري عدمن ضل خضاره
وشتعلت ابنار وحدي
وحترك بيه حمد ذاك الحنين وشربت النار انتضاره
وأنه اغني
ياحمد مر بينه فدوه
عدي هيل يعجبك وبدلالي كهوه
وضيعت باب المحطه وحمد مات
وذبلت اعله امتونه جنطه
ل احمد البعاج
رد مع اقتباس
