هنا

[ارجع يازمان]

انتظركم وادري بيكم ماتجون
والهواجس خالفت ظن الظنون
هيج باقي اعله الدرب
ناطر هواكم
لان عافاني الكلب
يفتر وراكم
هذا حالي الواصل الحد الجنون
انتظركم وادري بيكم ماتجون!
ماتجون!!

؛؛؛؛؛؛؛

ليش عفتولي الجرح والذكريات
ليش ما خليتو فرحه ابهل حيات
ليش رحتو
ومارجعتوا
حتى اشوف الامنيات!

ليش ما علمتو روحي
اشلون تنسه
ليش ما طابت اجروحي
البيه هسه
ليش ما ردتكم ادموع العيون!
انتظركم وادري بيكم ماتجون!
ماتجون!!

؛؛؛؛؛؛؛

اعرف الحُب الحقيقي
ماله قسمه ابهل زمان

وحدي واتمشى ابطريقي
ابدنيا محتاجه الحنان

مادريتو
الفركه تخنك
واختنك حتى الهوه

مادريتو
الذكرى جمره
والكلب بيها انجوه

صعبه بالظنيته يوفيك ويخون!
انتظركم وادري بيكم ماتجون!
ماتجون!!
حسين االساعدي

[فقار الكرخي]

عاشت ايدك

[ارجع يازمان]

عاشت ايدك

نورت