هنا

[فقار الكرخي]

كالو خانك وكتلهم اتمنه
الماي اعل السواجي يكوم يتعنه
وانه شامخ عشة ماطحت غفله بيوم
الزين البيه اعرف شرايده الجنه
واعرف بيا كتر ينجاب طاري الشوك
واضحكله صدك لو كربت منه
بس الزينه منك من رحت للغير
عفت جروحك وغنيتلي بونه
كتلي هلال اريدك من يجيني اغروب
خاف من الظلام يحزنن صورنه
واذكر كلتلك شوفني من بعيد
ارهملك هلال تريدني ادنه
اسهرلك بروحي اشموع اجيب وياي
خاف بلون واحد غفل وتملنه
اكبر ب السهر لو اطيح كبل الشوف
كلي بكل برود تريدني اتعنه
اي وجروحك الخضرن ب الشباج
ورفوف العتاب الفوك من عدنه
طعناتك بظهري شوغتي بكل ليل
برموشي شكثر خليتلك حنه
حزنك مشتهيني تريدني اتلكاه
وانه بطرك روحي وسالفة جنه
اي جنه كبل بس هسه مفتركين
وجان اسمك كبل يتعلك بدمنه
احجيلي الرسايل والشعر والكاس
هذا العاشكك شايفهن بجفنه
احلفلي جذب حتى التفت والكاك
وحتى ارجع واكول السالفه بظلنه
دليني اعل جرحك دمعتك بالعين
حتى اعذر مشيتك من رحت عنه
ومن كالو يخونك لملميت الصوت
وكتلهم جذب ياريت اتمنه
وانه ادري بعشكنه بحضن غيري يبات
وليليه اعل خصرك كام يتغنه
ما ردلك بعد خلها الجروح تهون
خلها عيونك وي الغير تتهنه
ولا اشمك صدك لو هوه بجفي اصير
اعرف نيتك وي الهوه تذلنه





سلوان عدنان

[Nazkul]

الله عليك

[سمراء من قوم عيسى]

أنتقاء مميز