بعدني ازغير وانه الكلب بي شاب
نصه ونص الاخر جمر بي شاب
الوادم من خيالي درو بي شاب
وعلي بس حدبه ناقص شيب بيه
بحجيك ليش بس وياي شطيت
نطيتك دمع عيني تكول شطيت
انة بدمع العيون اشطوط شطيت
وصب دجلة وفرات ابين ادية
هاي اسنين اهوجس بيك موعد
!الاصابع لاحظيت بفرد موعد
خويت ومثل عجز النخل موعاد
حطب للنار ماتلگاش بيه
هجرني بلا ذنب غفله تركناي
المصايب كامت بكلبي تركناي
ترك بغيابه مو ونه ترك ناي
وعزف طور النعاوي اشكال بيه
يهل تدريني اموت عليك لش باط
الجبد .. وبجدمك لملكاي لشباط
اون عليك من اشباط لشباط
وهلي عله الساده يفترون بيه
عجيبه رجال خيط الطمع يرهم
وعليهم صار كل مفتاح يرهم
خياط حلوك لو فد يرهم
جثير حلوك اخيطن بديه
اجر ونه بتوالي الليل ما لوم
ويلوموني واكلهم عيب ما لوم
عندي ويه الحبهم كلب مال ام
اسامح وانسه حته الخان بيه
وعلي لامستجن بجفاك لايار
نفس لاضل اخو من النوح لايار
اون اعليك من آيار لايار
ابثغيب وربعك يسكتون بيه
رد مع اقتباس
