هنا

[فقار الكرخي]

شتريدين؟؟ يا روحي أستراحي
مو صاحي اليخلص الليل صاحي
هو ألبيه جرح بالليل معروف
لان يترس مكانه دموع وگطوف
اليشتم بالمخده مضيع زلوف
يتگلب مثل طين بمساحي



من شفنه القطار يصيح
طير وشاف جنحانه
شال الناس كل الناس وانه وياج خلانه
تعبان شكثر تعبان
وانتي وياي تعبانه
رجعنه امن المحطة بـ ليل
چنه وجوه دفانه




وأنه صبري جرد جرجيت شگيته
وتشگة ردود فدوة يروح خل ينشگ
وأنه گلبي شكر محروگ طاح بگصب
وبجالي وأللمه بكاغد مشگگ




حتى من أريد أقبل عذر..
ما أشوف ترضى جروحي !
وساعتها راح أدخل حرب..
ما بين روحي وروحي !
أعذرها عنمن؟! عالبعد؟!
عن دمعي؟! لو عن نوحي؟!
لو عالشماتة الصفّگو..
من سمعو بچتالي؟!
العاهدتني تضل عمر..
ما كملت للتالي !
لو ماخذة سنيني البقت..
ومخليه راحة بالي !







يبايعنه ابضحج ساعات
وانت سنين شارينه
عليمن بعد تاذينه.؟
عليمن يالگلت والگال
تاخذنه وتودينه..؟
عليمن تشتكي امن الشوك
واحنه الشوك ماذينه





مرات من گد المرض
مابيك حيل ترد على
اليسأل اذا گال "شبيك"؟؟
ومرات يچويك الوجع
وتريد واحد يطفيك
ومرات تتوازه بليل
وتريدلك صوت وحيل
وعظامك تضل تحچيك
ولا تلگه طيف يمر بيك
ولا تلگه صوت يواسيك
مرات من گد الوجع
حتى انتَ ما تدري شبيك






غلـطانيــن الذبــو نار بدجــــله
وظنــو ڪــل المـاي يفــــــور
وخســرانــين الــ شعــلوا ورده
وزرعـــو بيــنه الگــاع گبــــور
بتــراب العطـــشان اكبــرنـــه وطگــينه اشـــطــوط
وفيــضنه الگـاع الـــبور





خاف باجر يندمون
لا تصالحهم يكَلبي
ولا تسامح .
كَول للما قاسمه الله ...
بيها صالح






حمل غربتك وتوكل اعليها..
وناس الما تقدرك لا تتانيها !
وعوف ولايتك ما دام بيك جناح..
ولا تبقى بـ سمه المالك عرف بيها !






تمنيتچ مثل ماريد ضني وزاعلت ضني
تمنيتچ هدم بالروح ويحير البچي يبني
شفتچ ياحمامة محجلة بجرحين
بالدم ريش متحني





ياطيور اليل وديني اعله ناسي
اليموت يشوف يسمع ينكسر گلبه
ويعرف اليبچیله
عادة الموات يتمنه
آنه اتمنه الشته وحضن الحبيب
وسيف كاتلني گبل هالیله





ذب حزنك شذب ياثوب ..
وبگلبي لگط لون القميص
وصرت كلي اسود

چني أعلام عشر بيوت
بيهه غبار الف دفان
وكل جناز يتمنى
حزن وجهي أيتشيّم بيه .!






هذا اخر شوگ
مر بیه و تعده
الحاب یطلع من حیاتي
مودع بستین ورده ..






من يوگف بعينك ذاك المتانيك
من تصعد أبروحك روح
من يگعد أبصدرك والهوى يخنگة
من تشوف واحد من بعد مگسور
لا تحتار هذا انه
أجيتك سنبلّه مدنگة





يافشلة الماتنگال...
اجوا من صوبك معرسين
گالولي بغيابك تضحك عيونه
ولا مهتم !
ولا يذكر !
ولك لو بالچذب ناشدهم شلونه؟..





أجيت ابالي مره وصدگت جاي
بچيت وشبگة مسودن شبگتك
شبعد عندك حچي وشرايد تگول
تريد تعوفني ..?
وصلت فكرتك
حبيبي اتدلل ادري تريدني انساك
عفواً قصدي تدلل حظرتك

[سمراء من قوم عيسى]

رائع
عاشت ايدك

[Rose peace]

الله عليك يافقار

[mohamad bambo]

عاشت ايدك

[Nazkul]

الله...عاشت ايدك