من الامثال المصرية ,, فى المشمش
كثيرا منا يقول "فى المشمش" وتستخدم في المماطلة في عمل شئ معين أو صعوبة أو استحالة تنفيذه نظرا لأن المشمش من الفواكه قصيرة العمر جدا في الأسواق لدرجة أنه من الممكن عرضه فى الأسواق لمدة شهر فقط فى كل عام وممكن الكثير منا لا يلاحظ وجوده لسرعة اختفاءه.
فكانوا قديما عندما يسأل المواطن عن الضرائب يردوا قائلين "فى المشمش" والمقصود بها موسم المشمش المقبل، أى "ربنا يسهل فوت علينا السنة الجاية ودا لو لاحظت موسم المشمش".
ويعتبر هذا الاستخدام الدارج للمقولة الشعبية إلا أن هناك قصة ثانية ذكرها أحمد أمين في كتاب "قاموس العادات والتقاليد والتعابير المصرية" ويعتبر فكاهي أكثر منه يكون اصل المثل فعلا، وقصته أن "أحد الأغنياء فقد ثروته كلها ومبقاش لاقي مكان يروحه وفي واحد فقير أخده عنده في البيت الفقير اشترى في أول يوم مشمش لأولاده وزوجته والراجل اللي كان غني أكل منهم 3 مشمشات بس ففضل مشمش كتير للزوجة والأولاد فتاني يوم الراجل الفقير اشترى عنب وعزم على الراجل اللي كان غني فالراجل قعد ياكل عنقود ورا التاني لدرجة إن الفقير خاف ما يتفضلش حاجة لولاده ومراته، فقاله: كل حباية حباية، فرد عليه الغني وقاله :لاااااا ده في المشمش، ودا لأن حبة المشمش كبيرة وفيها بذرة وصعب تأكل اكتر من واحدة لكن العنب ممكن تأكل عنقود مرة واحدة".
رد مع اقتباس
