أرد ادور عن وطن ما بي دمار
وارد افتش عن وفه بنص العشگ

الوادم التعشگ صدگ تنحب قليل
و وادم التعشگ جذب تنحب صدگ

وأرد ادور عن صبح يرحمله ليل
قمة احلامي الجفن لو ينطبگ

وانا ليش احتار هيه الدنيا هيج
السله ما ترتاح من يعله العثگ

الما يلاگيني ب(هلا) انطي گفاي
وكون ويه جدامه استورح حرگ

هيه مره الگهوه لتلوم الدلال
واليغلط بديوان ليلوم الحلگ

الشلته بعيوني ردت ارفعله شأن
ثاري كلمن يرتفع يهوه السحگ

وارد ادور عن محب افرشله روح
ومن امر مغتاض يفرشلي خلگ

نصبح انا وياه جن وردة وفراش
وباب خلگه اعله الخلگ خل ينطبگ

نعيش انا وياه نوحين ونزيد
موش يومين ويهدني ونفترگ

كون من ابرد عشگ يفزع حنان
حته من احتاجه مــا احس ابرد

هيه هيج الدنيا واضربلك مثال
والله وسفه وياهو اجه وشم الورد

جبت عمري اتمنى بس ما حققيت
حلم واحد حتى اگولن منسعد









انور بشير