لم فراش صبرك جرد الحجايات نزيزة دم تطوف بيوت الولايات
الستاير مو نثر كزبر جلدهه الصار
الوصل يوميه تنعى فلان اخر مات
اذا بنص المگابر يلعب الدولاب
الهوه العنده بخت من يمه لا مافات
الوجع ايده بضلعنه وچن يريد مراد
ومن گد العگد مارفت الرايات
نطلعله وصيه العدنه گام ايصير
بعبد الله وحبيب اتدگ القرايات
شيوگف وجعنه وسهم بينه ايفوج
ونين الهور بينه شكثر بيه نايات
على الجثه اتنادس بيه نفس محبوس
وعله گبره گصايب شتلن العمات
ولك هذا العراقي السالفة ديوان
اعله صدره وعلى الماضغ بيه ثلث دگات
ابن المايدگ راسه ثجيل النوم
وبد ماغله عمره العين الموليات
ماگلك ذنبنه وشنهو منه تريد
لأن نتبع علي ياتابعين اللات
خلّص ليلكم والصبح ماملثوگ
بگفاهه شگد سواد وذيچ المرايات
انه غلامهه الفاير جدحهه بغيض
المنّسف مروه تگصده المحشمات
بيه كلهه اتعلگ تفگته والناس
ماتربض مهرتهه ومايكضهه ثبات
على الموت ايتكنه والرصاص ايموج
اجاهه الذيب گال اليمه عثرة شاة
ونه ابن صدورهه الماصوفراني الگيض
ولاني الجاري حطني ابين المسنحات
انه عيوني وصايف فوگ راس الضيف
امهاتي العله الرحى ضهورهه محنبات
بعد حطك وسولف مثلي هم ايموت
على تابوت جثتي تخضر الخشبات
عراقي انه وهلي كصو ثدايا الموت
عراقي انه وهلي رضعو ثدايه الگاع
ثق جوه الشطافي تلگه بيريات
م
رد مع اقتباس
المشاركة الأصلية كتبت بواسطة فقار الكرخي
