تايه ولون العشك ياخذني غفله الداركم
تايه ولون العشك ياخذني غفله الداركم
واعثر ب طاري الرساله
البيها من دمعي كتبت اسراركم
البيها شباج السنين التانه شميسه التجيب اخباركم
البيها من ذيج الدموع الكتبت اسمي
اعل المحطات وحزنها
البيها حتى الريل كال اشجابكم
تايه وما كلت احبك
بس قروني من القصيدة
البيها جان الشوك فاضح
انه حنيت الدروب الشالت اجدامك عليها
ولا كلت للناس جارح
انه غنيت القصايد
والمواعيد العفتها
والجفافي وضحكة العرسان
وخنكة الروح التريد انعالكم
انه من كد ما عشكتك
جنت اغار من التراب البي عطر من بابكم
جنت اغار من الحجل ذاك اليخط بجدامكم
انه يوميه بوجع هاي القصيدة اقرالكم
وذممت كل الرسايل
كل حجينه يخضر وي الماي كون بزادكم
انه وي كل المحطات العفتها هناك كون ابرالكم
انه وي دم القصيدة هناك شفت سوالفك
ونزلت دمعي وقروني
ومن اجو سألوني عنك جاوبتهم
هيج احبه
وما كلت للناس لحضه وعايفك
اي يبو عيون العفتني
ابين كل ذيج الجروح وشايفك
ابين كل ذيج التجاعيد العفتها اهناك جنت احلالكم
وجنت اجيب الكمره بيدي بشوك احطها
خاف عايش بالحزن شباجكم
انه يوميه بجرح هاي القصيدة اقرالكم
انه يوميه بعطش ذيج السنين ابرالكم
سلوان عدنان
رد مع اقتباس
