ابعید میلادچ جبت حنه وبخور
یمه وینچ گومي خل احضن ادیچ
بریحت اثیابچ احس واگف عضید...
الگاع من عطرچ یفرع بیهه یاس
یا سلام الله اعله وجهچ چنه عید...
ابعید میلادچ جبت حنه وبخور
گومي ارید اعلیچ اطوفن من جدید...
علگبر مایرهم انسوي احتفال
والیتیم ابونته ایذوب الحدید...
حضني عطشان الشبگتچ یمه حیل
یفرح الغرگان اذا مدوله اید...
ابگلبي اشد ابشیلتچ واهس سجود
لو اشوف اعبایتچ من وحدي ابید...
یل سکنتی المگبره وطفیتی بیت
شگال گلبچ یمه المفارج یهید...
ینهدم حیلی اذا یندگلی باب
وعینی ترکض قبل جدمی عل ربید...
یمه مرینی ابحلم مرت امام
وخل اگوملچ مثل ام الشهید...
الیل ظلمه وموتچ امخاوی الضلام
الصحرا تضوی ابلیل لوطگـهه الرعید...
عبدالحسین الصیاحي
رد مع اقتباس
