يا طيحه ال مابيه وجع
شگو رسايلنه ال گبل نكتبهن اعله ال لاله
ومسحو شكو بينه عرف
والطيف من بيهم عثر گالو غريب اخياله
باعونه وحنه ال بلسجن ب الشمس دليناهم
سئلونه اهلنه اعله العمه
وگلنه الاعزاز ال من صدگ بلشوف ضميناهم
چا ليش خلونه ودفوو
وحنه ال گبل
ضمينه طگات الشته و بكلشي دفيناهم
ياغربه ال مو ب السجن
من يبدي
يطفه من الوطن ويضيگ واهس عينه
يا طيحه ال مابيه وجع
من ينسئل
مايدري شيسولف لما يصحه الوطن بسنينه
وعيونكم ما ننتچي
بس ال خذتنه من الشمس
ال نعس حدر فيهه الحچي
الشجره ال خذتنه من الشمس بفراگكم مو زينه
عشنه اعله باچر نلتقي
وگعدت شبابيچ الصبح گبل الصبح
تنطر اغاني شموسكم
التم علينه شگد شجر
لمن وصل عطر ال ملاگه بفوسكم
حته التلچمونه انتچه اعله اخر افيش بكوسكم
ماصعد ملگانه ونزل سوگ الفراگ بروسكم
ناسين لو عدكم وطن ??
معقوله كل هذا الضوه ما ذكراكم بينه ??
معقوله مابيكم حلم ينشد مچانه اعلينه ??
معقوله مايمشي الدرب ??
چا شو گضينه من المشي والجدم ضل يچوينه
نطفح گناطر للعطش
ونموت يم اول نهر مالم وجهكم مايه
ويمسح ملامحنه النشد
وكبر تجاعيد العمر
تنغسل بلملگه تره مو مال حضن مرايه
ريحتكم تلم الوطن
غربه وملامحنه تره مابيهه لون ولايه
حيدر الطائي
رد مع اقتباس