هنا

[فقار الكرخي]

المن جاي
ماظل شي الك موجود
كلبي الي انفتحلك مات
اندفن وي اليالي السود
انساني وبلا تجريح
الشجره اشما كبر ظلهه
يجي ويسطرها جف الريح
وانته اشما كبر راسك لابد
عله اجفوفي ا تطيح
واذكرك بالحجيته وياي
المن جاي ؟
گبل جنت احترگ يمك دفو وراحه
بحر فايض حناني وياك
بس ما صرت ملاحه
يالراهنت بيك هواي
ما همني الكلت والكال
ادم ما صرت وياي
واني بشجرة اهل العشك تفاحه

عليمن جاي
قفلت العشك فدنوب
ودفنت بكاع المتيهين مفتاحه

روح اتبع هوى الخانوك
والذلوك
ماريدك
المن جاي
يالما تدري لا حسيت يامحبس ذهب بيدك
هواي الرادو جفوفي
وهواي الجفوف الرادت زلوفي

كل ذنبي عشگت انسان
خاين ماعرف يوفي

روح بذمتك يفلان سهري ولهفتي وخوفي

حرام ان جان الك تذكار
كرهتك من گلب ولسان
وحرام ان جان الك تذكار حتى بوشلة طيوفي







غفران البياتي

[kian al-basrawii]

راقي

[سمراء من قوم عيسى]

عاشت الايادي

[Haidar Iraq]