هنا

[فقار الكرخي]

احبج والعشك ما ينحجي بسكته

وحلاته الينرسم ب الشوك

كون بعين صاحبته

كون يغني من ينجاس طاري العاشكه بكصته

احبج والعشك مريود للعنده مثل خصرج

نهر من ينشبك يجفل

احبج واضحك بكل صوت بيه اسمج

احبج وانتهي برسمج

احبج والعشك مهيوب عد اهلي

شحلاتي من انجفي بحضنج

وادليهم على عيونج

اكللهم وطن لسمي

واحط جفوفج بجفي واغنيلج

واذا ينعاب ؟

خلهم ب الكفه يغنون المهم جفيني رايدتج

احبج والعشك ينهاب من يتسولف بوكته

واكللهم خذيته الرادني وردته

واحط الحلقه بجفوفه

وجيبه وياي من يمهم حرز ومعلك بجفي

وارسمه اعل النحر دكه

واكلهم هذا محبوبي

شحلاته الرادني وردته






سلوان عدنان

[ৡ⚘أೂـيـر ألـنـ੭ــل⚘ৡ]

صّـْْ(☑)ـْْحّ الساااانك

[مريم@]

صح السانك شعر رائع