هنا

[فقار الكرخي]

غيم سوالفك نده
اعل كل شجره كتبنه أسمائنه بجفها
وضحك يمها بهلاهل حضنك الموسوم بفراكي
وثكل كلشي اعل ضلعي
الشايل انفاسك علك من زمزمك لله
يابو سوالف التنشال
رديت بدمع وحروف كلهن
كالن اسم الله
كلهن من حجه المكتوب ذبلن
والإشراع الشايل حروفي وكف وحده
وبقه يغني ب اغاني الشوك ومعاتب يرد كلمن نوه يسافر
يابو سوالف الماشين ضم سرك
وإذا غنوك زت جفك
وكلهم كلمن مسافر يرد بضحكه إذا سألوه عن اسمه
وتفاصيل المدينة الطابعة بوجه
يرد بضحكته ودمه
وأذا غنوله عن الكاع يبرد والحجي البلعين مايدفه
كلهم كلشي بيه انشاف يمته تشوفني الصدفه
يمته تخضر جفوفي
وزت كلمن يريد يروح لعيون الكناطر ماي
من جف السمه لجفه
يابو عيون مرسومات بحزان العشك زفه
انسه سوالف التووواب
واضحك من تشوف اسمه
اضحك من يكلولك بريدك ليل
وعيون النجم تنخاك....
فز وجيسهم ب اسمك
لم صبرك واغانيك وصير هلال
كافي مرافك السجه
لم كلشي يريد يضيع من جفك
وارسمه بمحبسك شذره
ترى كلهم يريدونك قصيدة محزمه بطعنات
مايردونك بذكره





م

[kian al-basrawii]

روعه