غشيم وأحسب الطايح يعود
أتبده بولاية صفنتك لو بجيت
وعيش للملكه الحضن يدفه بحضن
ووهس اسمك بالهلا التركض عليك
النجمة تكبر من تسير ع الجفن
الطوله شمسين الرمح يندل ضواه
الطير تتشاهد سنينه ع الغصن
دورتهن ماكو بيهن فيّ صديج
تطيح فوك عيوني غربة جم سجن
اتطيح. والماعنده ليل؟ يظل سؤال
الگاع خضره تصير؟ من يثكل متن
الگاع تشرب غربة الظل والظلام
واني شارب منك المايستحن
چي غشيم وأحسب الطايح يعود
عيوني تمحل لو تصاويرك مشن
هيج جنت احسب غربتي ومشتهاك
وسلوتك واحزاني وعيوني الطفن
گلت بلكي يهمك الگلب الضعيف
وبلكي مرة يغيضك بجفي التتن
تالي مانفعن ولاشمن هواك
ولاحون نجمة بسماك ولا دفن
وهذا كله مانكرتك للبعيد
وسافرت ظلمة التقي بوجه المدن
وربعي گالوا
لاتسافر؟ بالضوه يتيه الغريب
تسافر بماي وترد عطشه السفن
واني گتلك
غيم بصدري النفس وتشاهديت
وخضر بدربي العناد وتيهيت
محسب غروبك ولو مابي مجان
يلوحني مبارك ولو حسبة بجيت
امنيتي اعيش بعين تعرف من اطيح
امنيتي اغث ليلك وسيرلك نسيت
ادري بالدخان يلتذ بالرماد
وانت تلتذ بالحجي المابي اجيت
انشدلي نجمك؟ ليش مارايدني انام؟
كل منارات الشمع خلصن طفيت
الغربه غربه شما تكحلها بصديج
ولون ثگل الناس بالغربة شتهيت
وطعم ضنكة گلبي؟ والليل الطويل؟
وثلج طاري جفوفك البيه انجويت
هاهي الرايدك يعرف ضواك
ومايهم استعجلت ولا بطيت
الروح خلصت واليحبك ماله بيت.
م
رد مع اقتباس
