معكم اليوم الدرس الأول لفقرة تعليم السياقة
اليوم نباشر بالدرس الاول من تعليم السياقه نظرياً..
تتوفر بالسياره الاوتو ادواستين...الدواسه الصغيره هي البانزين للسياقه...
والكبيره هي البريك..لتوقف..
طبعاً نستعملهم بكل هدوء وخفه وابد مانضغط بقوه لان احنه مبتدئين..
اول خطوه تصعدين السياره تكعدين بكل ثقه..تحطين السويج بالسياره وتشغلين..
شغلتي وسمعتي المحرك اشتغل
كوني جريئه اهم نقطه بالسياقه "لاتخافين" من الشارع..اعتبري روحج بسياره تصادم..
كوني حذره بخطواتج ونفس الوقت جريئه..اذا تغلبتي ع الخوف صدكيني بغضون اسبوع تكونينن افضل سائق..
نجي على شرح الگير ...حفظيهم مثل اسمك وابد لاتنسيهم..
كل حرف اله شغله معينه..
نجي على اول حرف..P........ هو اختصار لكلمة parking..ويستخدم في تثبيت السياره في مكانها..من نركن السياره في اي مكان ومانريدها تتحرك لان نريد نطبك نخليها ع الP
وايضاً اول مانشغل السياره تكون على هذا الوضع حتى ماتتحرك
R......هو للرجوع للخلف..يعني احنه نكول (نرجع بك)
N.......وضع الحياد...
يعني من توكفين بالتقاطع حطي ع الN لحين ماتمشي السيارات وبدلي النمره..
نجي على النمره المهم اللي هي
D......وضع القياده
من تخلين على هذا الوضع انتي جاهزه للسياقه..تخلين رجلك ع البانزين بكل هدوء وراح تمشي السياره..
ملاحظه من تشغلين السياره رجلك تكون ع البريك..بعد ماتشغليها وتحولين ع الD..ذيج الساعه تحولين رجلك ع البانزين...
اليوم هاي المعلومات كلش كافيه اقروها عدل وحفظوها واستوعبوها واذا عدكم سياره بالبيت بدون ماتشغليها بس صعدي وجربي اللي كتلج علي...
رد مع اقتباس
المشاركة الأصلية كتبت بواسطة يمام
