هنا

[ارجع يازمان]

مدري اشبينه!
انصدك بيهم ونجذب نظرات العين!!
جذابين
ابكل احجايه
ومنهم كلش متاكدين!

صدكناهم مدري اشبينه!
جاملنه الجذبه وحبينه!

نرجع لسنين
العفناهن
ماندريهن صارن وين!
مدري اشبينه!
انصدك بيهم ونجذب نظرات العين!!


:::::

مرو بس مره ايشوفونه_ اتصورت ايحبونه اهوايه!
ما اعرف جاي ايودعونه _من كالولي بهيج احجايه!

جيناكم ردنه انودعكم
كالو يومين انرد الكم

شو صار اسنين
واستنظر
ماخلصن ذني اليومين!!
مدري اشبينه!
انصدك بيهم ونجذب نظرات العين!!

::::::::

لاكاهم شامت كالوله_لا مانرجعله امن ايموت!
وبابي وطك الهلهوله_ وكالالي اتحضر التابوت

أيس كالالي وسد بابك
اليوم اتلاكيت اويه احبابك

عنك أسئلهم
كالولي
مجنون ايظن مشتاكين!
مدري اشبينه!
انصدك بيهم ونجذب نظرات العين!!
حسين االساعدي

[Nazkul]

الله عليك مبدع

[فقار الكرخي]

عاشت ايدك