فرد واوی خطـیّـه امـحـمّـل اهـمـوم
وامنل ضیم جسمـه امراض مـمـلـی
مَکـر عِـنـده چـثـیـر و یـمـلکِ افـنـون
بـس ابکل شـغل یـا حـیـف رهـلـی
----------
خـلّـص کِـل حـیـاتـه ایـدوّر ایـجـار
کل مُـدّه ابـمـحلّـه ایـعـیش نـزلـی
عـاطل لا وظـیـفـه ، لا وضـع زیـن
او کلـیـوم ابـتِـهـیـمـت بـوگ مـبـلـی
----------
گِصد للـذیب محزن یشـتِکی الـحـال
وادمـوعـه عَـلـه الـوجـنـات تـهـلـی
گلـبـه امـنِل دَهر والـقَـهـر مـالـوم
مِـثِل جِـدر الـمـیـاه ابـنـار یـغـلـی
----------
الواوی امنشتِکه ، الذیب انقهر حـیـل
گـلّـه اتــحِـب مـعـونـه آراء حـطـلـی
گلّـه اتـشوفلی الهل مُشکِله احـلـول
لـیش آنـه ابـتَـعَـب مِن دون حـلّـی
----------
یـبو سرحان تـحچی الواسطه الـیـوم
وین انـطی الـوَجـه یـا صوب اولّـی
کلـمن عِـرِف عِـنـده الـیـوم محظـوظ
بـس حظّی الـغَـبـر مگلـوب یــتـلـی
----------
گلّـه الـذیـب تـعـمَـل مِــن ادلّـیـک
حــاضِـر تــسـتِـدِل بــیـّـه امـنـدلّـی
الواوی گال حاضِر عینی بَس گـول
اسوّی المُسـتَـحـیل اشـمـا اتـگـلّـی
----------
گلّـه الـیـبَـل ذاک اتـشوفـه الِـهـنـاک
اصـعـده روح وشـمـا بــیـک عَـلّـی
والقی ابـنـفسک و حوّل عَـله الـگـاع
وصیـح ابصوت هـذا الـیـبـل یـبـلـی
----------
گلّـه اشهَـل حلول القاسـیه هـای
اخـافَن لـو طِـحِت تـنـکسـر رجـلـی
هاذی تـهـلِکـه و مـا یـقـبل الـدیـن
وآنــه اهـوایــه مــتـدیّــن و اصـلّـی
----------
گلّـه اعـتِـمِـد بـیّـه و عـیـب اخـلّـیـک
تـوگع وانـتـه تِـدری ابـهـاذ شـغـلـی
رضا ابحچیـه و صَعد وانکِسر مِـن طـاح
او راسه امـنل شِمال انـگلـب جـبـلـی
----------
اجالـه الذیـب یـضحک واهوه مـطـروح
یـلـده امـنل دِمـه المسفـوح مـطـلـی
گـلّـه خو شِـفِـت یـل واوی دنـیـاک
بـیـهـا الـتَـم ضعیـف ایروح یـزلـی
----------
الخـیـّـر واﻷصـيل اتـشرّبـه اسـمـوم
تـهوه الـذَب حَمـیـتـه و صار هـتـلـی
مـثـلی صـیـر ذیـب و کـشّـر انـیـاب
والـیـعتِدی اعلـیک ایـجـیـک فـصـلی
----------
واستـعمل ذکائـک واشـبَـع ادیــای
واحکـملَـک شَـعـب خـامِـل امـدهلـی
واعلـه الضِد تـهِـد واتمشّـط الـغـاب
وابــزودک یَـواوی اســبـاع تـجـلـی
----------
واچـمِن بـل نـهـار و اطـلـع ابـلـیـل
بـسّـک بـعَد فـار ، اتـعَـشّـه مـصلـی
واویّــه چــثـیــره صــارت اذیـاب
وانـتـه الـهسّـه بَعدک واوی بُـهـلـی
----------
اتـعـنّـه الـموت خاطر تگـدَر اتـعـیـش
واشـبَـع زیـن حَـتّـه اتـکون شـکلـی
واذآ رایـد اتـشـیـخ و تـکسِر اتـگـوم
لا تـعــتـِــمِـــد بَـــحّــد صــیـــر مـثـلـی
للاستاذ : مرد مقدم
رد مع اقتباس
