انته روحی و ساکن ابنص روحی
لا تخلّـی اجـروح فـوگ اجروحی
ــــــــــ
روحی بیها اجروح کثره و ما تطیب
الهسه عایش ما متت هذا عـجیب
یا حبیب الهیچ سوّالـه ابحـبیب
الناس ملّت مـن شجای و نوحی
ــــــــــ
الناس تشبع نوم و آنه اسهر علیک
یل خذیت اشمـا ردت منّی بدیک
صرت یم عرشک عبد و انته مَلیک
آنـه ادرلک وفه و انته اشحوحی
ــــــ
اشتکـی عندک علیک و ما تلین
و الک من شکوای ما یعرگ جـبین
ولک خمس اسنین من احله السنین
گضن مـن عمری و عفتنی اشلوحی
ــــــــ
اگضی لیلی ادموع و انهاری ابعذاب
والشَعَر بیّض و انـه ابرَیع الشباب
طلع فیض امحبّتک هیمه و سراب
وشمّتت بیه مُـنـه و اصبوحی
ـــــــــ
شمَّـتت بیّه مُحـبین او عِـده
وذبّلت کـل ورده بیه امورّده
عاین التالی اشجره ابحالی و سده
حالی حالت نخلت المنیوحی
ــــــــ
ذیچ ذبّلـهـا العطش و آنه جفاک
واحسبت روضه و تعیّشنی ابهواک
ما کفاک الصار بیّه مــا کفاک
مستمر بلّـج تظل والحوحی
ـــــــ‌‌ــــــ
آه منّـک صحت واشتنـفـع الآه
عیّشتنی ابضیج ما شفت النفاه
ریت احلّک گلبی وبعینک تـراه
تِمّن و هـجرک طبخنی ابفوحی
ـــــــــــــــــــ
عود اصابـر وانتظر بلکت تعود
وبحنـانـک ذاک وبحُـبّـک تجود
اخدود سود و عود تمیت و عمود
وعگب رفلت گبل صرت اسدوحی
ـــــــــــــــــــ
یمن حبّیتک محبّه ابکل جنون
وگلت محبوبی و علیک اعتب وامون
مـا اَصدّگ واَعتِقد بیّـه تخون
فکّرت مخلص تظل وانصوحی
ــــــــــــ
ما نصحت اویای کل حچیک خیال
بـدّلـیت ابـقـهـر کـل ذاک الــدلال
ارد مثل اوّل بعد و ارجـع محال
هذا امـر ما اظن بعد مسموحی
ـــــــــ
روح دوّرلک ولـف مثلـک جـبـان
مایعرف الشوگ والحُب والحنان
وآنه للهم عوفنی و ضیم الـزمان
ابنوحی یتعلّـم حـمـام الـدوحی
للشاعر : مرد مقدم
رد مع اقتباس
