هنا

[غريب الروح]

اين يذهب الفقير اين يذهب المسكين؟!!!!
ايذهب الى دق باب المسؤول حتى يمن عليه بكسرة خبز!!
اهاكذا يكافئ البرلمانيون الشعب العراقي الذي عانى ما عانى اكثر من خمسة وثلاثين سنه....
انظر الى السجون التي يقطن بها الارهابيون المحكمون كل يوم يصرف له ((عشرون دولارا))والشعب ((15 الف))فقط؟!!!
ماهذا التناقظ...مالكم كيف تحكمون؟!.
انا لا استطيع ان اكمل لان الحرقة بدأت تأخذ مني مأخذ...واترك لكم التعليق...

[August]

والله انك انسان شريف ومواطن وطني بكل معنى الكلمه وانا اشدّ على يدك ويد كل شريف لقول الحقيقه
اين يذهب الفقير؟؟ اين يذهب اليتيم والمحروم والمتععف الذي تمنعه عزة النفس من السؤال؟؟
هل يضطر الى الشروع بجريمه وجنحه حتى يحصل ويتمتع بالرفاهيه التي يحصل عليها الارهابيون في السجون؟؟

اين يذهب وقد امتلئت كروش المسؤؤلين بالحرام والشبهه؟؟ اين الامام علي ابن ابي طالب ؟اين ابي الايتام؟؟
اين الذي سيملأها قسطا وعدلا بعدما ملئت ظلما وجورا

[حنين الوطن]

والله كلامك صحيح
واحنة وياك انضم صوتنة الى صوتك
شكرا على هذا الموضوع الجميل

[ḾïSs TǿTà]

قال تعالى (وسيعلم الذين ظلموا اي منقلب ينقلبون)

[Samer]

يا معود .. هي الحصة وينها اصلا .. صار فترة طويلة اروح للوكيل بين شهر وشهر استلم كم بطل زيت و شوية (تمنات) ما ينوكلن هع .... حكومتنا الرشيدة الظاهر مضحية بالفقراء، و لو يكتله الجوع بالشارع ما يهمها .. .. و تتعامل من منطلق so what .

بس .. اللي لاحظته انه المؤسسات الدينية بالمناطق الشعبية (المزدهرة بالفقراء و الأيتام و المعوقين) دا تمارس دور لا بأس بيه بمساعدة الفقراء ، و ايضا تدللي المتبرعين على بيوتهم فجزاهم الله خير

الحل ؟ ماكو غير رحمة رب العالمين . . اما غيره فما يستحق نتأمل منه شي

[ميشال فوكو]

خطوة الغاء البطاقه التموينيه اعطوه تبرير القضاء على الفساد في هذه القضيه ونسأل المسؤول هل الفساد في مسألة البطاقه التموينيه فقط والباقي كله صلاح وعدم وجود فساد في مفاصل الدوله الاخرى ام هي محاوله لاركاع الشعب العراقي الذي بدأت تتعرى امامه كل الوجوه الكالحه دعاة ديمقراطية الجوع والحرمان الالعنة الله على كل افاك لن يركعنا الهدام ولن يركعنا هولاء

[غسان العراقي]

هذا الشعب من يحجي يكول صرنه سياسين من كثر ما نحجي بالسياسه لعد انتوا متعرفون ان اتجاه الدولة العراقية اصبح اتجاه رأسمالي يعني بعد ماكو دعم للسوق وماكو استيرات من قبل الدولة الاستثمار له دور اليوم الحصة التموينية وغدا الكهرباء الماء كمنه نشتريه لان ماكو تصفية وباجر ياخذه مستثمر ويصبح الماء تجاري حتى التعليم اولادنا بدأنا نرسلهم لمدارس اهلية لعدم الجدية بالدريس في المدارس الحكومية وتعمد اغلاق وتهديم البنايات المدرسية بحجة الاعمار وتم تشريد الطلبة وتوزيعهم على المدارس الاخرى واصبح الدوام ثلاثي وتم تقليص ساعة من الدوام الحجي هواي ويوجع القلب
شكرا لك اخي

[علي الاسدي]

ليس بعجيب اخي غريب الروح فحكومتنا الرشيدة التي تهتم دائما باحوال المواطن العراقي الفقير فقط اما المسؤل في حكومتنا النزييه راتبه مخصص للناس المحتاجين ( والعكس هوا الصحيح ) اريد اسأل النجيفي بنته الزغيره كل يوم شكد تصرف على ابو المحل بس نساتل .
اخويه غريب الفقير في العراق ومع الاسف مهمش ولكن عندما تصير الانتخابات يكون الفقير احسن مواطن موووووووووووووووووووووو.

[العراقية.]

اووووووووووووف منين ما تتجه تلكاهه سوده مصخمه........ زين يابو اسراء بربك اسراء تكيفيهه 500 دينار باليوم اتعيش بيهه شياكل الفقير بيهه حب وعلج حط الله بين عيونك واحكم وشوف الوضع زين ....والله يكون في عون الفقير

[ليليا]

خيو انا معاكم بس منو اللي يسمعنا هم ملتهين بالبوك و النهب مالتهم و عدهم مصالحهم فوق كل شي