هنا

[فقار الكرخي]

بين الوطن والحبيبة ذكريات لجندي عراقي في الحرب



واعدتهه ارجع شگللهه من اموت
ماگدرت ارجع نسيت حچايتي
وانا اول مارحت حطت يمين
احلف تروح وترد بداعتي
هسه اجه ابالي القسم واتحيريت
خاف موعريس ارد بجنازتي
بس وحگ زلفچ وحگ كل ذكره بي
اي وحگ وجهچ الصار مرايتي
راح اخلي ابالي حضنچ والعراق
وشعره ماتنمس وانا ابن ولايتي
منيله الجرأه اليمس گاعي ويفوت
بزغري ماواحد لمس لعباتي
انا ربيت الفشگ ترباة ابوي
چيله ماتكتل خصم مو مالتي
خارطة طولچ وخارطة العراق
اثنينهن لابسهن وي گلادتي
من يمر بيچ التعب تلگيني نوم
گمت انوّم اصورچ عله وسادتي
ماخذ الحنيه من گاع العراق
بعين كل مشتاگ امدد راحتي
اتوكل بطولچ و أشد حيلي بضواچ
ومايهمني الموت اعاند ساعتي
والله لو بيهم زلم چا ارد شهيد
الموت لجل الوطن همي وغايتي
راح اصلّي وي الوطن فرض الحياة
ووين ماچان افرش مصلايتي

[سمراء من قوم عيسى]

أنتقاء جميل
عاشت ايدك

[أنين]

شكرا لك

[Haidar Iraq]